A rexedora liderará o traballo de cooperación entre concellos de Galicia e o Norte de Portugal en materia de cohesión social, vivenda e loita contra a pobreza
Vilalba, 18 de marzo de 2026. A alcaldesa de Vilalba, Marta Rouco, foi nomeada hoxe presidenta do Grupo Temático de Política Social do Eixo Atlántico, o órgano que reúne representantes municipais de Galicia e do Norte de Portugal para avanzar en políticas de cohesión social na eurorrexión.
Rouco, que tamén exerce como concelleira de Servizos Sociais desde 2019, destacou que este nomeamento supón unha oportunidade para reforzar o papel dos concellos na resposta aos retos sociais actuais. “As políticas sociais son unha prioridade absoluta para este goberno, porque falamos de atender ás persoas, de dar resposta ás súas necesidades e de garantir que ninguén quede atrás”, afirmou.
O Grupo Temático de Política Social centra o seu traballo en áreas clave como a cohesión social, a vivenda, a inmigración ou a loita contra a pobreza, co obxectivo de avanzar cara a un modelo máis xusto e equilibrado entre os territorios da eurorrexión.
A alcaldesa puxo en valor a importancia da cooperación entre administracións locais. “Os concellos somos a administración máis próxima á cidadanía e temos un papel fundamental na detección das necesidades sociais e na posta en marcha de solucións reais. Espazos como este permítennos compartir experiencias, coordinar actuacións e avanzar de maneira conxunta”, explicou.
Na última reunión, celebrada de maneira virtual, aprobáronse as liñas de traballo para os próximos anos. Entre os proxectos previstos para 2026 destacan tres informes estratéxicos: un sobre a loita contra a pobreza, outro sobre inmigración e un terceiro centrado na problemática da vivenda. “Estes documentos serán fundamentais para contar cunha folla de ruta compartida que nos permita abordar os grandes retos sociais de forma coordinada e eficaz”, sinalou Rouco.
A alcaldesa subliñou que este nomeamento é coherente coa liña de traballo desenvolvida polo goberno municipal de Vilalba. “Desde o Concello levamos tempo apostando por uns servizos sociais de calidade, cunha atención integral ás persoas e cun compromiso claro co benestar da veciñanza. Este recoñecemento tamén pon en valor ese traballo”, apuntou.
Rouco afronta esta nova responsabilidade co obxectivo de contribuír a fortalecer as políticas sociais no conxunto do Eixo Atlántico, impulsando iniciativas que permitan reducir desigualdades e mellorar a calidade de vida da cidadanía.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
