Viveiro, 19 de marzo, 2026. O Partido Socialista de Viveiro mantivo contacto co persoal da empresa encargada dos servizos de recollida de lixo e limpeza viaria, despois de coñecer a través dos medios de comunicación a posible convocatoria dunha folga derivada das súas reivindicacións laborais.
Desde a formación socialista trasladan a súa preocupación ante unha situación que podería afectar un servizo esencial para a veciñanza, especialmente nun período de grande afluencia como é a Semana Santa.
O PSOE lembra que hai tres anos, durante o anterior mandato municipal, se negociou o contrato deste servizo mediante un proceso no que o goberno local —encabezado pola entón alcaldesa María Loureiro— mantivo reunións coa empresa concesionaria, cos sindicatos e co persoal traballador. Aquel diálogo permitiu acadar un entendemento entre as partes e evitou un escenario de conflito.
Por este motivo, o Grupo Municipal Socialista solicita á actual alcaldesa que actúe con responsabilidade e abra de inmediato unha vía de diálogo, reuníndose tanto co persoal como coa empresa para escoitar as distintas posicións e facilitar un acordo.
O persoal traballador está a reivindicar os seus dereitos e manifesta disposición ao diálogo, mais o PSOE considera imprescindible que o goberno municipal dea tamén ese paso e exerza o papel de mediación que lle corresponde.
A formación socialista entende que, coa vontade de todas as partes, é posible chegar a unha solución que evite a folga e garanta a continuidade dun servizo fundamental para a cidadanía de Viveiro.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
