Mondoñedo, 19 de marzo, 2026. A Asociación Mauro Leivas deu hoxe, 19 de marzo, os seus primeiros pasos nun acto emotivo celebrado no Pazo de Santo Tomé, en Mondoñedo. A sala quedou pequena ante a resposta da cidadanía, que quixo render homenaxe a un dos creadores máis singulares e comprometidos da plástica galega contemporánea.
No evento participaron o alcalde de Mondoñedo, Manuel Ángel Otero; o tenente de alcalde de Barreiros, Antonio Veiga, en representación da alcaldesa Ana Ermida; o tenente de alcalde de Mondoñedo, Ángeles Rodríguez; o concelleiro de Cultura, Alberto García; representantes do PSOE e do BNG; e a comisaria da Rede Museística Provincial de Lugo, Silvia Fiallega.
A iniciativa está impulsada por familiares e amizades do artista, cun dobre obxectivo: preservar a súa memoria creativa e manter vivo o seu compromiso social e cultural, oito meses despois do seu falecemento en xullo de 2025. A Asociación conta con figuras de referencia como Juan Puchades, Xosé Artíaga, Daniel Caxigueiro, Silvia Fiallega e Encarna Lago.
Un creador versátil e profundamente humanista
Mauro Leivas (Mondoñedo, 1955–2025) destacou pola súa extraordinaria versatilidade: do cómic ao hiperrealismo, da pintura á abstracción dixital. A súa obra explorou a cor, a forma e a emoción, sempre desde un profundo respecto polos valores da inclusión, a diversidade e a xustiza social.
A súa personalidade —libertaria, crítica e solidaria— é inseparable da súa produción artística.
Un legado artístico e un pensamento propio
O acto abriu coa intervención do secretario da Asociación, Chus Ruiz, quen agradeceu a presenza institucional e veciñal e salientou o papel de Mauro na arte e no pensamento galego das últimas décadas.
O vogal da entidade, Pedro Leivas, repasou a traxectoria do artista e destacou o seu carácter visionario:
Ruiz explicou que a Asociación será fiel aos valores que definiron a Mauro: ecoloxismo e defensa do territorio, diversidade cultural, dereitos LGBTQIA+, antibelicismo e pensamento científico.
Un proxecto vivo, non só un arquivo
A vicepresidenta, Marián Ferreira, subliñou que a Asociación nace coa vontade de ser un axente activo na cultura galega:
Ferreira lembrou tamén a súa constante curiosidade e capacidade de reinvención, como a súa última etapa coas tintas chinesas.
A tesoureira, Pepa Carballeira, pechou o acto destacando a vontade de colaboración con entidades culturais públicas e privadas de toda Galicia:
Chamamento á cidadanía
A Asociación fixo un chamamento especial a quen posúa obras ou documentación relacionada con Mauro Leivas —cartaces, catálogos, fotografías, materiais de exposicións— para incorporala ao Arquivo Xeral, co único obxectivo de completar o rexistro da súa traxectoria.
Tamén convidan a participar no proxecto, xa sexa mediante colaboración puntual ou formando parte activa da organización.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
