O BNG de Alfoz – Valadouro demanda que o Concello de Alfoz xestione as accións precisas para que a lagoa originada polas obras da concentración no barrio do Barral, na parroquia de Mor, deixe de representar un perigo para os transeúntes, para o gado e nomeadamente para a veciñanza do barrio. Insta así a contactar coa empresa que realizou as obras e cos propietarios do terreo para tentar ofrecer unha solución.
Ademais, os nacionalistas demandan que o Concello de Alfoz, no caso de observar desleixamento por parte dos responsábeis directos, tome as medidas precisas para o balizamento da lagoa ou calquera outra necesaria para que isto deixe de representar un perigo.
Os nacionalistas argumentan que as obras se derivan da extracción de area para a apertura de pistas e camiños da concentración parcelaria de Alfoz, que foron deixando áreas nas que ficaron grandes ocos sen recheo algún, en ocasións furados de grande magnitude. Un dos devanditos furados acabou por converterse nun perigo despois de transformarse nunha lagoa por efectos naturais: acción de acuíferos subterráneos e acumulación de auga de chuvia.
A lagoa atópase a carón da estrada O BARRAL-A GARITA (parroquia de MOR), e está a causar grande alarma entre a veciñanza polo perigo que representa, tanto para persoas como para animais; xa que non conta con ningunha caste de sinalización nin peche que evite posíbeis accidentes. Dende o BNG indican que “se localiza a escasos metros da estrada, semioculta pola matogueira e nun terreo con grandes desniveis e anacos de rocha que camuflan a súa inmediatez, cómpre sinalar que se atopa enfronte dunha área adicada a pradarío (son os pastos coñecidos como A Sunogueira), feito que orixina certo tránsito de gado vacún e cabalar. Sen ánimo de dramatizar engadimos que o resgate dunha persoa ou dun animal, sería moi difícil nunha poza encaixada nun terreo tan abrupto a causa dos desmontes nel realizados”.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
