CERVO, 18 DE XUÑO. Os socialistas de Cervo teñen a sospeita de que no vindeiro pleno extraordinario convocado para este xoves “o equipo de goberno non vote a favor da defensa da sanidade pública no noso concello”.
Neste senso, dende o Grupo Municipal Socialista subliñan que “tras ler todas e cada unha das preguntas plantexadas polo señor José Manuel Balseiro no Parlamento todo parece indicar que o noso concelleiro e tamén diputado mariñán non está en contra da reorganización pensada polos responsables do Sergas e está de acordo coa idea de que estaremos mellor con tres médicos ca con catro, sen que a calidade dos servizos diminúa”.
Engaden que “ningunha das súas preguntas plantexou os problemas e inconvintes que podemos sufrir a partir de agora con esta remodelación das prestacións sanitarias nos nosos centros de saúde. Máis ben todo o contrario, todas parecían facilitar a xustificación da eliminación dunha das prazas facultativas”.
Con todo, subliñan que “ademais parécennos moi extraño que o señor Balseiro siga desaparecido e a día de hoxe non se tivera dirixido ós veciños para dar a cara ante as medidas tomadas polos seus compañeiros da Xunta de Galicia con motivo do recorte dos nosos servizos sanitarios. Os cervenses seguen esperando unha explicación e, por suposto, unha mellor solución”.
A pesar desta actitude, o vindeiro xoves no pleno, “temos a confianza de que o señor Balseiro e o resto do seu equipo atendan o clamor dos veciños e se posicionen ó seu lado, non den a calada por resposta. Esperamos que non lles pesen máis os intereses partidistas que as peticións dos usuarios dos dous centros de saúde do noso concello”.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
