O grupo municipal do PP de Viveiro ven de presentar unha moción pola que solicita que o Pleno adopte o acordo de establecer un protocolo para o izado de bandeiras durante as festas patronais no que soaría o himno galego coas bandeiras de Galicia e de Viveiro e o español co izado da bandeira de España.
Os populares recordan que dende o ano 2003, no que Roel tomou posesión como alcalde, non se volveu escoitar o himno español nas festas patronais de Viveiro xunto ao izado da bandeira española. Xa entón o grupo popular manifestou o seu interese polo asunto ao que o rexedor contestou que se establecería un protocolo para esta situación. Nove anos despois, denuncian os populares, “seguimos nas mesmas, sen que se interprete o himno español nin se estableza un protocolo de actuación”.
Os populares de Viveiro consideran que “a mesma sensibilidade que se ten co himno de Galicia, por ser o himno da nosa comunidade; se debería ter co español, que tamén nos representa a todos e todas”, sentenzan. Nese sentido, consideran escaso o argumento do rexedor ao apuntar que “non se interpreta por ser unha festa local”. Os populares recordan que “en agosto é cando máis xente visita Viveiro, chegada de diversos puntos de España, polo que merecen todo o noso respecto, compartindo con eles o himno español”.
Así pois, os populares consideran que “se deben poñer en valor todos aqueles símbolos e sinais de identidade que nos son propios”. “Nada mellor que as nosas bandeiras, española e galega; e os nosos himnos, español e galego, que nos identifican como españois e galegos”, conclúen.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
