Este pasado domingo en augas do Miño, a beiras da Escola Lucense de Piragüismo, disputouse a cuarta proba da Copa Galega de Promoción para infantís nas modalidades de K1 e C1 tanto homes como mulleres organizada pola Federación Galega de Piragüismo e coa colaboración da escola lucense de piragüismo.
Dende as 11:00 da mañá preto de 300 padexeiros pertencentes a 37 clubs saíron á auga a disputar a cuarta regata desta Copa Deputación.
O Club Kayak de Foz participou con 5 kayakistas, 4 homes e unha muller. Na categoría Infantil B K1 participaron Juan Rivas, Alexis Navas e Paco Andrey obtendo o posto 24 a 2:48 do vencedor, Alexis o posto 25 a 2:50 e Paco o posto 47 a 6:07 do vencedor. Entre os tres aportaron 507 puntos ó club.
Pola súa banda, na categoría Infantil A K1 feminino Mayra Alarcón ocupou a praza 32 a 6:17 da vencedora sumando 194 puntos ó club. E na categoría Infantil A K1 masculino, Pascual Iván Fernández rematou a proba na posición 44, con 182 puntos e a 5:54 do vencedor.
O club Kayak ocupou a praza 23 na clasificación xeral con 883 puntos, clasificación que gañou o CN Pontecesures con 3349 puntos, seguido moi de cerca polo Club as Torres-Romería Vikinga con 3257 puntos e xa un pouco máis alonxado o RCN Rodeira de Cangas que ocupou a terceira praza con 2748 puntos.
As próximas regatas do calendario da XVIII Copa Galega de Promoción son o 6 de xullo a 5ª regata, Campionato Galego de infantís, individual e embarcacións de equipo, 1000 metros en Verducido e o 17 de agosto a 7ª regata de Infantís, Campionato Galego de 3000 metros para embarcacións individuais en Boiro
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
