Lugo, 22 de xullo de 2013. O delegado de Cultura e Turismo da Deputación de Lugo desprazouse este luns até Compostela para presentar, no CGAC, a 31ª edición do Outono Fotográfico, que este ano como novidade incluirá o 1º Premio Galicia de Fotografía Contemporánea grazas á colaboración da Área de Cultura da Deputación de Lugo e a Xunta de Galiza. Na rolda de prensa tamén participaron o secretario xeral de Cultura da Xunta, Anxo Lourenzo, e Xosé Lois Vázquez, coordinador do premio.
Mario Outeiro destacou a “itinerancia do proxecto fotográfico máis recoñecido do noso país, grazas á cal tamén os e as lucenses poderán contemplar as instantáneas desta edición do certame. Desde a Área de Cultura da Deputación puxemos o noso grado de area para poder colaborar no proxecto poñendo na base o noso concepto do que deben ser as institucións e a súa orientación: unhas ferramentas ao servizo da cidadanía, totalmente abertas para todas as persoas, polo que debe partir das persoas que xestionan estas institucións, como neste caso, un espírito de colaboración que xere unhas sinerxias das que se aproveite”.
Grazas á colaboración da Área de Cultura da Deputación de Lugo, ponse en marcha o 1º Premio Galicia de Fotografía Contemporánea que pretende promover a fotografía contemporánea e as cuestións éticas que plántella, en xeral, a arte contemporánea respecto das formas de dominación e imposición de limites ao pensamento. A finalidade é a creación dun espazo fotográfico en Galiza que complemente o creado durante máis de 3 décadas polo Outono Fotográfico mediante o incentivo de propostas de carácter visual-fotográficas por parte de autores e autoras tanto nacionais coma estranxeiros. Este premio conta cun orzamento de 16.000 euros.
Nel establécese un único premio consistente na produción dunha exposición temporal que se inaugurará entre os meses de novembro e decembro de 2013. As características técnicas serán fixadas polo autor e contarán co asesoramento do curador nomeado ao efecto polo Outono Fotográfico. A exposición contará cunha intinerancia, inaugurarase en Lugo e moverase durante 5 anos dentro da programación do Festival Outono Fotográfico e tamén da programación que elabore a tal efecto tanto a Área de Cultura da Deputación como a Xunta de Galiza.
Tamén se publicará un libro que configure a colección “Premio Galicia de Fotografía Contemporánea” e que se distribuirá nas librarías. Ademais unha selección de fotografías, que o curador nomeado polo FOF decida, formará parte do libro do FOF do ano corrente.
Outono Fotográfico
O Outono Fotográfico é o Festival Galego de Fotografía, o decano da península ibérica, que chega neste 2013 á súa 31ª edición.
O OF organiza exposicións e prográmaas en espazos expositivos como galerías de arte, salas de exposicións institucionais, centros de ensino, Casas de Concellos, da Xuventude e de Cultura, lugares públicos, etc. A ampliación da súa implantación territorial é un dos obxectivos. Actualmente programanse mostras en toda Galiza, Catalunya, Portugal e Brasil.
Componse de tres seccións: A Sección Oficial na que o Festival convida a autoras/es e curadoras/es, o Outono Aberto onde se seleccionan traballos de amadoras/es e Historias da fotografía galega para a recuperación do traballo de fotógrafas/os de Galiza xa falecidos.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
