Mondoñedo, 22 de xullo de 2013- O Partido Popular de Mondoñedo úrxelle ao alcalde da localidade, Orlando González, que planifique de maneira inmediata os traballos de desbroce nas vías municipais, que presentan un estado lamentable con alto risco de incendios e converténdose en focos de inseguridade.
A portavoz do PP de Mondoñedo, Elena Candia, explica que o seu grupo acaba de ter coñecemento de que a Xunta de Galicia colaborará co Concello de Mondoñedo no financiamento dunha brigada para a participación na prevención e defensa contra incendios forestais.
Este novo compromiso da Consellería do Medio Rural garantiza que a administración local teña medios necesarios para levar a cabo as labores de desbroce, ao que engade a popular que o Concello, a maiores, dispón dun tractor que “descoñecemos o uso que se lle está a dar” dado o mal estado que presentan as pistas municipais.
O turismo tamén se ve afectado
A situación intransitable e imposible que presentan moitas das vías locais estalle a afectar moi negativamente a localidade e non só dende o ámbito preventivo de incendios, senón que tamén repercute de forma negativa no turismo local. Candia explica que a pasada fin de semana un grupo de 50 persoas non puido levar a cabo a Ruta da Auga da localidade, dado o mal estado que presenta.
Ante esta situación, o Grupo Popular de Mondoñedo no próximo pleno pediralle ao bipartito local que adecúe de xeito urxente á Ruta da Auga. Candia asegura que esta situación amosa a incoherencia de Orlando González que se amosa defensor do turismo, porén non “é quen de manter en bo estado os recursos dos que dispón o municipio”.
A Xunta, administración colaboradora con Mondoñedo
Por último, o PP de Mondoñedo agradece unha vez máis a colaboración da Xunta de Galicia co Concello e espera que o goberno local sexa quen de aproveitar este investimento o mellor posible, cumprindo así o compromiso que se lle asume ao concello no convenio de colaboración para a participación na prevención e defensa contra incendios forestais mediante a actuación de brigadas de prevención e defensa e que compromete ao Concello a dispor, en todo momento, de brigadas efectivas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
