Burela, 4 de xullo de 2013. A Concellería de Servizos Sociais incrementa as actividades relacionadas co seu Programa de prevención do absentismo escolar. O vindeiro luns, 8 de xullo, dará comezo unha Escola de nais e pais.
O programa de educación familiar da Concellería de Servizos Sociais, Muller, Igualdade e Sanidade leva a cabo durante todo o ano o Programa de Prevención do Fracaso e do Absentismo Escolar que conta con varias actividades como son: a orientación e o asesoramento a familias e rapaces durante todo o ano, a coordinación cos centros educativos e outros axentes sociais e de emprego e a participación no protocolo do absentismo escolar desenvolto pola Consellería de Educación, a Deputación de Lugo e algúns Concellos de Lugo.
“Debido ao grande éxito que están tendo estas iniciativas no equipo do goberno decidimos crear outras tanto para a época estival como para a época dos exames de recuperación en setembro”, explica a edil Diana Durán.
A actividade do verán será a Escola de nais e pais, “un taller no que se tratarán temas como as funcións parenterais, a prevención do fracaso escolar e do abandono prematuro da escola, as causas e consecuencias do absentismo escolar, estratexias de motivación para o estudio, etcétera”, dixo a concelleira de Servizos Sociais. Esta escola levarase a cabo os días 8,15, 22 e 29 de xullo e 5 de agosto en horario de 12 a 14 horas na Casa do Concello.
E en setembro, o protagonista será un Obradoiro de técnicas de estudo, aprendizaxe e motivación dirixido sobre todo a rapazas e rapaces estudantes de ESO e PCPI ou que estean preparando algunha proba para a obtención do título en ESO, probas de acceso ou exames de recuperación. Realizarase do 2 ao 6 de setembro en horario de 12 a 14 horas na Casa do Concello.
Os mozos, mozas e pais que precisen máis información poderán chamar ás Oficinas de Información do Concello ao teléfono 982 58 60 00 e preguntar por Noelia Legaspi, a educadora familiar.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
