O presidente do CD Burela FS Pescados Rubén, Manuel Blanco, e o secretario, Rubén Blanco, arrouparon a prometedora Lara Balseiro Candia na oficialización da súa continuidade na escuadra laranxa. “Todas remaremos no mesmo sentido para seguir medrando” declaraba a viveirense, de tan só 20 anos, desbordante aínda de orgullo e satisfacción tras a culminación do dobrete.
A ala mariñá, que cumprirá a súa segunda tempada en Burela nesta etapa e a quinta de toda a súa traxectoria, admitiu a súa especial relación coa entidade laranxa: “O acordo foi moi doado porque Burela era a miña preferencia; sempre me trataron ben e sempre cumpriron o prometido”. Con respecto a 2013-14, Lara tamén se mostrou moi animada e con ganas de máis: “Igualar as metas conseguidas será moi difícil e máis cando hai cambios, pero en Burela sempre se traballou moito e ben e seguirá sendo así co novo adestrador. Teremos que esforzarnos todas e adaptarnos o máis axiña posible ás premisas de Quico Otero para ser competitivas dende o primeiro compromiso” transmitía así a súa ilusión a viveirense, poñendo entre os obxectivos persoais “seguir traballando, coas mesmas ganas, axudar ás compañeiras e seguir gañando minutos”.
Manuel e Rubén Blanco destacaron “o valor de seguir contando cunha das referencias do presente e futuro do deporte mariñán, encarnado en Lara, un exemplo para o inmenso potencial futbolístico que se respira e polo que se traballa na comarca”.
A novísima ala convértese na quinta renovación do equipo, tras Lidia Mesías, Peque, Maite e Jozi, coa incorporación de Quico Otero, no banco, e o regreso da ala-peche Claudia.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
