Alfoz, 5 de xullo de 2013.- A delegada territorial da Xunta en Lugo, Raquel Arias, destacou este venres 5 de xullo o impulso comprometido pola Consellería de Medio Rural e do Mar para ultimar os procesos de concentración parcelaria das zonas de Val de Alfoz (Alfoz) e Sasdónigas (Mondoñedo).
A representante do Executivo galego significou nunha visita á zona de concentración alfocense que o departamento autonómico destina preto de 200.000 euros (198.103,64 euros) aos traballos técnicos necesarios para estes dous procesos de concentración.
Arias, acompañada polo alcalde de Alfoz, Emilio Lousas, indicou que a consellería ven de sacar a licitación o contrato para a redacción dos proxectos e abriu un prazo de quince días naturais, contados dende hoxe, para recibir ofertas, despois do cal procederá ao estudo das propostas e á adxudicación dos traballos.
Nestes dous casos da Mariña, os traballos consistirán na realización do replanteo dos novos predios resultantes do proceso de concentración parcelaria. Arias considerou que con estes trámites “actúase de xeito decisivo para superar un chanzo que acerca aos propietarios á fase de conclusión deste proceso”.
A delegada territorial destacou as vantaxes da concentración parcelaria, que non só posibilita un aproveitamento racional do solo, senón que “posibilita que se proceda ao fin á regulación xurídica da propiedade de todas as fincas, a través da correspondente inscrición rexistral”.
Con estes traballos, desenvolveranse tarefas en dúas concentracións que engloban a máis de 1.750 propietarios. No caso do proceso de concentración parcelaria de Val de Alfoz, o acordo de concentración foi aprobado no ano 2011. Os datos planimétricos deste procedemento recollen que se intervirá nunha área de preto de 1.660 hectáreas, na que se inclúen 7.746 parcelas de terreo que serán reordenadas ata conformar 2.701 parcelas. Nesta concentración foi executada xa unha primeira fase das obras nos camiños interiores, e foi entregada a titularidade dos mesmos ao Concello de Alfoz.
En canto a Sasdónigas, o proceso de concentración ten acordo aprobado dende o ano 2009. A zona de concentración é dunhas 625 hectáreas, na que se agrupan 3.513 parcelas. Coa reordenación, o espazo contará finalmente con 609 parcelas, o que suporá un “beneficio para os propietarios de cara ao acceso e a explotación das terras”, indicou Arias.
Nos dous casos, os traballos que se levarán a cabo permitirán trasladar ao terreo os acordos aprobados, colocando os marcos que deslindan os terreos e que, en canto sexa posible, os propietarios poidan proceder á toma de posesión dos novos terreos.
A delegada territorial subliñou que o avance nas concentracións parcelarias que ten impulsado o actual Goberno da Xunta representan “unha proba do seu compromiso para apoiar aos concellos rurais coa mellora de servizos e infraestruturas e con políticas de dinamización empresarial”.
Ao respecto, Arias incidiu na “importancia de impulsar a reestruturación da propiedade do solo no rural galego, excesivamente fragmentado, para conseguir un sector agrogandeiro máis competitivo”.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
