Cervo, 5 de xullo de 2013-O alcalde de Cervo, Alfonso Villares, acompañado de técnicos do Concello reuniuse onte pola mañá co subdelegado do Goberno en Lugo, Ramón Carballo así como con representantes do Instituto Social de la Marina, da Tesourería Xeral da Seguridade Social e do Servizo Provincial de Costas co obxectivo de atopar unha solución á Casa do Mar.
Tal e como explicou o rexedor, durante o encontro acordouse que o Concello solicitará a Costas a desafectación da Casa do Mar do dominio público marítimo terrestre. Un trámite que permitirá á administración local recuperar a propiedade do edificio e, en consecuencia, darlle un uso e un aproveitamento en beneficio dos cervenses, como o traslado do Punto de Atención á Infancia cara esas instalacións.
O proceso administrativo para conseguir a desafectación e que a Casa do Mar volva ser de titularidade municipal será moi complexo, pero para Villares “é a única solución definitiva que lle podemos dar á Casa do Mar”. Un inmoble que na actualidade “ten un uso moi limitado” por atoparse baixo o dominio público marítimo terrestre, unha protección que complica e retrasa calquera obra, iniciativa ou tarefa que se queira realizar na Casa do Mar. Por estes motivos, que o edificio “volva a mans do Concello é a única saída que nos permitiría dispoñer ao cen por cen da Casa do Mar”.
O primeiro edil asegura que os trámites para reclamar a desafectación deste ben “comezarán de inmediato” para “acelerar o proceso na medida do posible”. O rexedor lembra que a Tesourería Xeral da Seguridade Social propuxéralle ao Concello o pagamento dun aluguer para poder utilizar a Casa do Mar, “unha saída que nós rexeitamos de pleno xa que era só unha medida transitoria e que non solucionaba de forma definitiva o problema, ao tempo que implicaba un gasto excesivo para as arcas municipais”.
Villares lembra que este asunto levaba bloqueado dende o ano 2008, momento no que o edificio quedou baleiro e case sen uso. A partir de aí e durante tres anos o Concello enviou escritos e solicitou entrevistas cos responsables da delegación en Lugo da Tesourería Xeral da Seguridade Social, “documentos que nunca saíron dos despachos da delegación e que, polo tanto, nunca chegaron ao seu destino: a central da TGSS en Madrid, onde tiñan que resolver as nosas solicitudes”.
O mandatario cervense asegura que foi co cambio de responsables na Tesourería Xeral da Seguridade Social no 2012 cando se desbloqueou a cesión da Casa do Mar. A primeira das xestións foi unha reunión en Lugo co subdelegado do Goberno que propiciou que ao día seguinte o director provincial do INSS, Antonio Nores, visitase a Casa do Mar. “A partir dese momento iniciamos numerosos contactos coas distintas administracións implicadas para buscar unha solución, que cada vez está algo máis cerca” remata o rexedor.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
