Foz, 5 de xullo de 2013. As festas do Carme de Foz, que se celebrarán do 13 ó 20 deste mes, foron presentadas este venres 5 de xullo polo alcalde, Javier Jorge Castiñeira, acompañado por outros membros do goberno local e da comisión organizadora dos festexos, que é o colectivo Sempre Foz. O rexedor local destacou o programa, que inclúe actuacións musicais, o pregón do médico lugués Sven Gunther e a procesión sobre as tradicionais alfombras florais, entre outras actividades.
Javier Castiñeira comentou que “as festas do Carme 2013 teñen un cartel moi interesante dende o 13 ata o 20 deste mes, aínda que os días grandes son o 15 e o 16”. Agradeceu “a implicación da asociación Sempre Foz, que está traballando intensamente na organización de dúas das festas máis importantes do concello, que son ás mais destacadas do núcleo urbano: as do Carme e as do San Lourenzo”.
O alcalde deu a noraboa aos organizadores porque “teñen un cartel moi interesante dende o sábado, 13, ás catro da tarde, cando empeza a regata 420 Virxe do Carmen. Ese día tamén haberá o pregón das festas, que neste caso vaino facer unha persoa coñecida dos focenses: Sven Gunther Cando, que é un cardiólogo que actualmente está traballando no Hospital Lucus Augusti (HULA), foi presidente do Colexio de Médicos de Lugo durante varios anos e tamén ocupou a presidencia do Consello Galego de Colexios de Médicos. É unha persoa moi vinculada á nosa localidade posto que leva cerca de 50 anos veraneando en Foz e agora xa ten a súa segunda residencia aquí. É unha persoa moi querida e quixemos facer énfase en toda esa xente que nos visita no verán. Sven é unha desas persoas das que nos gusta presumir aos focenses, non só pola súa meritoria actividade profesional como médico cardiólogo senón tamén porque é boa persoa, que coñece o pobo e que o pregoa polos diferentes sitios aos que vai”. O pregón será ás 20:40 horas na igrexa parroquial.
O domingo 14 haberá verbena coa orquestra Galilea e o luns 15 actuarán Armonía Show e o grupo Garibaldi. O martes 16 será o día grande e ás 12 do mediodía celebrarase a misa solemne na honra da Virxe do Carme, ás 12:45 a procesión polas rúas do pobo e rematarán os actos coa verbena amenizada pola orquestra Sintonía de Vigo. E o sábado 20 celebrarase a XIV edición do festival folclórico Aires do Masma na praza Conde de Fontao organizado pola asociación A Subela.
“É un cartel moi bo e invito a todos a que pasen por Foz e disfruten das nosas festas patronais. Ademais animo a todos os veciños a colaborar o máximo que poidan coa asociación organizadora, Sempre Foz, e a participar na elaboración das alfombras florais tan características, bonitas e recoñecidas que fan os veciños de Foz a noite antes da procesión para que a Virxe pase por elas”, rematou Castiñeira.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
