O Torneo Imdecum de Fútbol Sala Base ‘Memorial Rodrigo Maseda Lozano’ reunirá 14 clubs e 34 equipos na Mariña, entre o venres 5 de xullo e o domingo 7.
Dende a categoría benxamín ata a xuvenil, competirán na segunda edición da cita que organiza a Fundación Impulso ao Deporte, Cultura e Turismo na Mariña: Las Rozas Boadilla e Guadalajara, dende fóra das fronteiras galegas, ED Vigo 2015, Troula Betanzos FS e Vilalba FS, da nosa comunidade, ademais dunha nutrida participación de conxuntos da comarca como ACD Xove, EDM Cervo, ADFS A Mariña, ED EON Burela FS, Ribadeo FS, Praia de Covas, Celeiro-Xove, Cidade de Viveiro e Selección da Mariña.
A fase de grupos decidirase entre o venres e o sábado cos encontros distribuídos entre os pavillóns Vista Alegre e Monte Castelo de Burela, o cervense da Veiga e o focego de Marzán; a categoría xuvenil aínda disputará tres partidos de cuartos durante a mañá do domingo, en San Cibrao. Antes do comezo da competición, a organización manterá unha reunión técnica cos equipos participantes, ás 16.00 horas, no hotel Nordés de Burela.
A xornada do venres pecharase cun cóctel de benvida para os clubs (Nordés, 21.30 horas); o sábado o día despedirase co Partido das Estrelas (Vista Alegre, 21.00) co salto á pista de xogo de monitores, árbitros e persoal da organización.
Vista Alegre e Monte Castelo acollerán a fase final o domingo, a partir das 9.00 horas. O broche de ouro á cita estará marcado pola gala de clausura, prevista para as 21.00 horas (Vista Alegre).
Clínic
O seleccionador de Romanía, Sito Rivera, participará nunha mesa redonda o domingo, xunto ao adestrador do CD Burela FS Pescados Rubén, Juanlu Alonso. A cita coa sabedoría de ambos os técnicos será o domingo, ás 15.00 horas, no IES Monte Castelo. O director deportivo do Inter Movistar, Javier Lorente, finalmente non poderá asistir por motivos persoais.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
