O Valadouro, 24 xullo de 2013.- O voceiro do Grupo Municipal Popular e ex alcalde do Valadouro, José Manuel Lamela, vén de rexistrar unha moción para o seu debate en futuras sesións do Pleno municipal na que os populares locais propoñen a creación e posta en marcha dun plan de emprego municipal.
A iniciativa busca que tamén, nesa segunda parte da lexislatura local, o Concello se implique na procura de solucións para os seus veciños desempregados e, en concreto, que o actual Equipo de goberno asuma o compromiso de poñer en marcha unha serie de medidas que contribúan á incorporación no mundo laboral daqueles veciños que a día de hoxe se atopan no paro.
OBRADOIRO DE EMPREGO
Lamela lembra que o PP, cando exerceu a responsabilidade do Goberno local impulsou, en colaboración coa Xunta de Galicia e, tras participar nun proceso selectivo de libre concorrencia, diversos apoios destinados aos desempregados, como foi o caso da posta en marcha dun Obradoiro de emprego, que vén de rematar nas pasadas datas o seu período de vixencia. Para compensar esta circunstancia os populares buscan impulsar novas iniciativas en apoio dos seus veciños desempregados.
INCENTIVOS Á CONTRATACIÓN
A proposta do Grupo Municipal Popular inclúe -segundo explicou Lamela- diversas iniciativas como son a contratación directa de novo persoal ou, a posta en marcha dunha serie de incentivos a empresas e autónomos que contraten a veciños empadroados no municipio.
Lamela asegura que este tipo de iniciativas son viables “tendo en conta a situación saneada na que se atopa o Concello” e que todas elas contribuirían a axudar aos desempregados tralo remate da iniciativa política anterior, o Obradoiro de emprego.
PROPOSTA CONSTRUTIVA
Lamela fixo un chamamento á responsabilidade política dos partidos integrantes da Corporación Municipal e insistiu en que o Plan de Emprego proposto é unha iniciativa construtiva. Espera polo tanto que na idoneidade da súa posta en marcha concite o apoio das outras tres forzas políticas que compoñen a Corporación: PSOE, Udival e BNG.
O portavoz popular di que a iniciativa xurde do Partido Popular, como formación política maioritaria, pero insiste en que todos os representantes políticos e tamén todas as administracións públicas, independentemente de que as goberne, –puntualiza-, deben traballar nesta liña e deben mostrar os seus compromisos. Especialmente neste momento á hora de destinar os recursos económicos necesarios para poñer en marcha accións que poidan axudar a aqueles veciños desempregados que se atopan nunha situación vulnerable”.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
