Foz a 24 de xullo de 2013.- O BNG de Foz cualifica o estado do Concello de Foz de lamentable debido a inanición do goberno e critica o deficiente funcionamento dalgúns servizos municipais durante este mes de xullo.
Varias foron as queixas dos cidadáns respecto ás obras que se realizaron durante o mes de xullo pola súa inoportunidade e pola falta de previsión nas mesmas. Entre outras, as obras da Rúa do Mar ou as da zona da Illa Nova. A primeira das obras, en plenas festas do Carme, debido ao parecer ás obras para soterrar o cableado eléctrico. Esta obra non só resulta inadecuada debido ás datas senón tamén porque so se realiza nun tramo cativo da rúa cando sería máis lóxico facer un proxecto para toda a zona do Campo ou polo menos para a rúa completa. Outras das obras que se fixeron este mes foi a do cambio de sinalización de tráfico das rúas Illa Nova e Mariñeiro Chila, na zona da praia da Rapadoira, que resultou moi incómodo por non telo feito con anterioridade cando ademais xa llo tiñamos advertido hai meses ao grupo de goberno por parte do BNG. Unha das propostas que se lle fixeran desde o BNG é que se pintaran durante a primavera o pasos a peóns. Hoxe aínda están sen pintar co perigo que isto supón para os viandantes. Así mesmo, de nada valeu cambiar as zonas de aparcamento cando non se están a respectar, sen que o goberno municipal faga nada.
É evidente que o PP goberna o Concello de Foz a golpe de arroutadas, sen ningunha planificación e co obxectivo de contentar a unha minoría da poboación deixando á maioría ao marxe da acción de goberno. Particularmente notamos esta actitude na política de contratacións onde se ve claramente que se beneficia a certas empresas afíns ao PP e se discrimina ás demais. O trato discriminatorio obsérvase tamén no abandono que sofren as parroquias fronte á vila ou incluso dentro da vila certas zonas fronte a outras insuficientemente coidadas. Esta forma desidiosa de gobernar vese na limpeza e adecentamento das rúas, nos excrementos dos cans sen recoller, no abandono dos paseos, na mal funcionamento do alumeado público, na falta de coordinación do tráfico, na deficiente limpeza das praias, etc.
Outro dos episodios penosos deste mes que mostra ás claras o estilo de goberno do PP foi a eliminación dunha praza de educadora na escola infantil por parte da Xunta, sen que o goberno municipal dixera nada ao respecto e xustificando unha decisión da Xunta que vai a repercutir negativamente na calidade educativa da escola e obrigará a moitos pais e nais a levar aos seus fillos e fillas fóra da vila. Esta é unha demostración máis de que o goberno actual de Foz non defende os intereses do concello senón máis ben que aplaude calquera decisión do partido aínda que vaia en contra deses intereses. Unha actitude sometida e compracente totalmente inxustificada. Neste sentido, Basanta pídelle ao PP de Foz que “defenda antes os intereses do Concello que os do PP pois ata agora non o demostra”.
O BNG tamén denuncia unha falta de servizos enorme. Resulta incomprensible que non funcione a oficina de turismo os fins de semana, que os urinarios das praias non se abran ata mediodía, que a recollida de lixo sexa insuficiente ou que non haxa unha boa sinalización turística para os atractivos do Concello.
En definitiva, para o BNG o balance do primeiro mes de verán non é nada positivo. Máis ben continua a desidia e a falta de planificación do goberno municipal. Parece que a táctica de Raxoi se estenda a todo o PP: deixar pasar o tempo e que as cousas se resolvan soas, pero iso non serve de nada. Por iso, desde o BNG pedímoslle ao alcalde –aínda que pensemos que é clamar no deserto- que o goberno municipal se poña a gobernar e non se dedique so a dar palmadiñas nas costas.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
