O Deputado de cooperación cos concellos, Álvaro Santos, fixo este luns, no salón de actos da Deputación, un balance sobre as obra de melloras do rural que a Deputación de Lugo levou a cabo neste último ano. O organismo provincial continúa na súa liña de axuda ó rural e investiu na convocatoria pasada mais de 2.300.000 euros en obras de mellora de espazos nas vilas e concellos máis rurais da provincia. Esta partida, que está reflexada nos orzamentos da institución, responde ós plans de Axudas ó medio rural, que conta con 300.000 euros, e o Plan de Comunidades Veciñais, con máis de 2 millóns.
O primeiro proxecto é o Plan de Axudas ó medio rural que conta con ata 300.000 euros, asumidos na súa totalidade polo ente provincial e que van dirixidos a asociacións de veciños e gandeiros para levar a cabo obras de acondicionamento nos núcleos máis rurais da provincia. Este ano foron 59 asociacións de 48 concellos diferentes as que desfrutaron destas axudas dirixidas a mellorar accesos rurais e explotacións, acondicionamentos de fontes e cercados de pastizais, puntos de recollida de plástico e tamén para a construción de curros para o gando. O custe destas obras, que ascende a 300.000 euros, é asumido integramente polo organismo provincial quen xa inclúe esta partida económica nos seus presupostos anuais. “A Deputación considerou errada a decisión dos Gobernos do Estado e da Xunta de retirar as axudas ós espazos máis rurais xa que estes proxectos de acondicionamento cumpren, entre moitas outras funcións, a de frear do éxodo rural, un aspecto moi preocupante dada a situación da maior parte dos concellos da comarca” valorou o Deputado de cooperación.
Estado actual do Plan
Polo momento, está finalizado o 94 % das obras. O prazo máximo para a finalizacións das mesmas finaliza, despois de ser ampliado, o 30 de agosto. As asociacións deberán presentar posteriormente os informes onde se xustifiquen os gastos das obras realizadas. Deste xeito a unidade tramitadora valorará cales foron as obras e o seu custe, para ser aboados o antes posibles. A institución ofrecerá un máximo de 6.000 euros por asociación, valorando en cada caso cal foi a inversión real nos procesos de mellora de infraestruturas. O 45.7 % das obras realizadas son acondicionamento de camiños e cunetas, que melloran de xeito significativo a calidade de vida da xente pois facilita o acceso ás zonas máis rurais. A canalización de auga é outra das obra máis realizadas acadando o 18 % do total. Na pasada convocatoria estas axudas supuxeron a realización de 120 obras en núcleos rurais de 47 concellos, dando emprego a unha media de 300 persoas.
Álvaro Santos non deixou pasar a oportunidade sen salientar que “A Deputación é o organismo institucional de todo o estado que máis cartos inviste por persoa ó ano, o que demostra o forte compromiso da entidade provincial coas veciñas e veciños da comarca lucense”.
Plan de Comunidades Veciñais
O Plan de Comunidades Veciñais é outro dos programas de acondicionamento de espazos e servizos que propón a Deputación de Lugo. Esta iniciativa está deseñada para entidades asociativas de 67 Concellos da provincia e que lles permite executar máis de 200 obras de mellora e dotación de servizos e equipamentos públicos. Este plan conta cun presuposto de 2 millóns de euros que están reflexados nos orzamentos do organismo provincial. O ano pasado acolléronse a este plan 230 particulares e asociacións de toda a provincia que realizaron proxectos que van dende a dotación de mobiliario para locais sociais ata o acondicionamento do firme en núcleos rurais, pasando polo adecentamento de zonas de uso común para os veciños. Están tramitados máis do 94 % dos expedientes quedando pendentes de xustificación 12 obras por mor das licencias. En total xa foron abonados máis do 98 % dos expedientes presentados.
As subvencións cobren o 100% das obras e a súa contía varía dende os 1.700 euros ata os 12.000. A Xunta de Goberno ven de aprobar o plan para este 2013 que mantén o orzamento de 2 millóns de euros a pesar da crise. Nesta ocasión se realizarán 243 actuacións en todos os concellos da provincia.
Obxetivos da Deputación
A Deputación de Lugo, a través dos seus proxectos de acondicionamento, pretende mellorar as infraestruturas do rural ó tempo que liberar ós gandeiros e veciños dos custes destas obras. Fundamentalmente pódese dicir que a finalidade dos programas responden a 3 funcións ben definidas:
1.- Impulsar o sector primario: a situación deste sector na provincia de Lugo está en perigo e logo das subidas do IVE, os custes destas obras prexudicarían gravemente os orzamentos dos gandeiros e agricultores. A través destas iniciativas, o organismo provincial, libera ós traballadores destes custes, facilitándolle así o traballo e brindándolle a posibilidade de que destinen máis recursos a esta actividade comercial, un dos motores económicos da comarca lucense.
2-. Combater a taxa de paro: a provincia empezou o ano 2013 con preto de 30.000 parados, 2.500 máis que no ano anterior. Estas obras de acondicionamento contribúen a manter postos de traballo, posto que son os autónomos e as Pemes da comarca as encargadas de acometer as obras.
3-. Frear o despoboamento do rural: O éxodo rural é constante. No 40 % dos municipios hai moitos máis homes que mulleres e nenos, o que fai perigar a existencia dos Concellos. Os plans o que buscan é mellorar a calidade de vida dos lucenses, sobre todo de aqueles que viven nas zonas máis rurais da provincia para tentar evitar estes fluxos migratorios.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
