En relación ás críticas realizadas polo Grupo Provincial do Partido Popular nas que acusa a Vicente Castro Reigosa de realizar funcións distintas ás que lle son propias como asesor da Deputación, desde o Grupo Provincial do Bloque Nacionalista Galego quérese aclarar que:
•As afirmacións realizadas desde o Grupo Provincial do Partido Popular son rotundamente falsas en canto Vicente Castro Reigosa desenvolve as funcións fixadas na relación de postos de traballo da Deputación lucense e nos horarios e espazos fixados para tal fin no documento orzamentario.
• O Partido Popular segue empregando a mentira para tapar as súas miserias. O seu obxectivo é crear cortinas de fume para evitar dar explicacións sobre todas as sospeitas que recaen sobre el. Sería mellor que se preocupase de dar conta das súas miserias tanto no ámbito nacional, como comarcal e local.
• Co seu silencio, o Partido Popular outorga cando non desminte que dirixentes como Xosé Manuel Barreiro e Xosé Manuel Balseiro son os políticos galegos que máis cobran, e outorgar cando non despexa dúbidas de como entrou, no seu momento, na escola taller do Valadouro o presidente local da formación conservadora en Ribadeo, e así poderíamos seguir facendo un amplo repaso sen saír da localidade.
• A verdade só ten un camiño. Lamentamos que o Partido Popular, coñecendo cal é a verdade, opte por falseala e manipulala, mais o Bloque Nacionalista Galicia non vai participar do seu xogo.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
