Ultimando os preparativos para a Festa Normanda de Foz

A terceira edición da festa normanda está a piques de chegar, os preparativos que hai que acometer están na súa fase final para que todo poida estar listo para o día 30 deste mes. A edición deste ano extenderase durante tres días e o número de naves que tratarán de invadir a vila focega desafiando ó milagro de San Gonzalo será maior.

Pedro de Aurelia e Carlos O Polaco son dous veciños de Foz que prestan a súa desinteresada colaboración para a construcción dos barcos normandos que surcarán a Ría de Foz transportando ós invasores, chegados dende o mar do norte, que tentarán arribar na praia de Tupide. Os dous artesáns, curtidos na carpintaría de ribeira, están a traballar a reo dende hai uns cinco meses, como si de un astaleiro se tratase, para rematar a última das naves, que acada a frioleira de 17 metros e se convertirá na cuarta que participe no desembarco.

A festa desenvolverase ó longo de tres días, con diferentes actividades tales coma xogos, representacións e mesmo un mercado artesán, todos tratando de emular un tempo pasado ó que, coa ambientación e as naves normandas construidas a base de horas de traballo e esforzo, non nos será difícil transportarnos durante esa fin de semana.

Jacob Alonso G.