O “V Aberto do Bonito” disputado en Burela deu comezo a unha nova tempada da LNB na conferencia Norleste, liga regular que fora presentada en Remourelle o pasado 15 de setembro con 11 xornadas puntuables.
Como follas do outono que caen, así foron chegando a esta xornada inaugural e multitudinaria os loitadores e todos eles ca ollada posta no ceo xa que a incerteza do tempo facíanos dubidar de que o peirao de Burela fose, nesta ocasión, o lugar axeitado para medir forzas e xa que o bo facer do colectivo cultural O Buril, tiña xestionado o uso alternativo do pavillón deportivo do colexio Os Castros, aló nos diriximos e acertadamente como puidemos comprobar mais tarde cando do alto caeu auga a rego cheo.
Comenzaron as billardas a voar e aínda que sempre de “bo rollo”, xa se viron os primeiros piques entre os galos reinantes e os aspirantes a selo. Charli deu o primeiro golpe cun varado na primeira carreira, logo perdeu folgos e Muriego imitouno pouco despois tanto no varado como no de perder folgos, aínda que menos. A xornada ía polo camiño agardado con algunha sorpresa que outra que engadía emoción e interese ao desenvolvemento da competición.
Ao remate das cinco carreiras, tres foron os que conseguiron chegar con pleno de vitorias. Juan de Billardeiros Musicais, Richar de Tropa Lixeira e o debutante dos Carabullos de Teixo, Santi.
No desempate a dúas carreiras, Richar, que o derradeiro ano fora segundo neste aberto, deixoulle o posto a Juan e subiu ao caixón de gañador. Santi foi terceiro.
Os tres recibiron como trofeo unhas artísticas cerámicas así como un espectacular bonito para o gañador do aberto, Richar.
Conseguíronse quince varados na xornada, aínda que dous non contabilizan por ser en carreiras de recheo. Comanda Charli e Luis con dous varados cada un.
Por equipos, dominaron os Billardeiros Musicais, que comenzan en cabeza tal e como acabaron a tempada pasada.
A segunda xornada farase en Ponte Outeiro o 19 de outubro, agardamos que o tempo non nos prexudique e poidamos disfrutar dunha gran xornada.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
