A plataforma iniciou, a petición dos asociados e simpatizantes, charlas informativas nas que se da cumprida información á carta certificada de ton ameazante por Begasa aos titulares de subministros que non cambiaron o contador. Neste sentido a plataforma reuniu a máis de 35 persoas en Barreiros o martes e 48 persoas en San Cibrao este mércores. Está prevista unha charla en Forxán para a tarde deste xoves.
Cabe destacar a presenza de veciños de Abadín na charla de Barreiros en busca de información sobre cales son os seus dereitos e cales son as súas obrigas respecto á substitución de contadores. Neste sentido estase planificando unha charla no municipio de Abadín na que a Plataforma expresará aos veciños o seu punto de vista.
Respecto á carta de Begasa a plataforma está recomendando aos veciños que non a contesten, xa que en ningún momento pode Begasa aportar certificado de comunicar debidamente aos usuarios o cambio de contador, se ben tamén proporciona un modelo de contestación para os socios que teñan interese en contestar.
O presidente da plataforma anuncia noticias moi positivas en breve e recorda que o Valedor do Pobo non so solicitou dúas veces a contestación ás demandas da Plataforma ao Conselleiro de Economía e Industria, senón que xa lle advertiron de que se persiste nesta actitude de non contestar verase obrigado a advertirlle das consecuencias legais que isto supón. Recordamos que levamos dende outubro dol ano pasado reclamando esta documentación obrigatoria por varios camiños sen obter resposta algunha un ano despois.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
