O PSdeG-PSOE da provincia de Lugo apoia decididamente a manifestación convocada pola comunidade educativa contra o proxecto da Lei Orgánica de Mellora da Calidade Educativa (LOMCE), que volve recibir este xoves nas aulas galegas un rexeitamento masivo. O voceiro de Educación no Parlamento autonómico, Vicente Docasar, subliñou que “estamos con todos os afectados, xa que os recortes nos últimos anos en Educación están por riba dos 400 millóns de euros; recortes que se traducen en menos mestres, en repago polos comedores escolares, en menos cartos para as novas tecnoloxías…” Neste senso, destacou que “os socialistas non imos permitir este ataque claro á Educación pública. Temos un firme compromiso, pois existe unha proposta por escrito para derogar a Lei Wert; unha Lei elitista, retrógada, clasista e cruel”.
Recortes que “converten o ensino nun privilexio”
Os recortes aplicados polos gobernos do Partido Popular “sacrifican claramente a calidade educativa e converten o ensino nun privilexio, só ó alcance de quen o poida pagar”. Proba delo, engadiu o voceiro de Educación na Cámara galega, é que 7.000 familias de Lugo vense obrigadas a pagar este ano polo comedor escolar, un 31% máis que en cursos anteriores. Destas 7.000, máis de 4.000, teñen que abonar 100 euros mensuais para que os seus fillos poidan comer ó mediodía. “E para que fai isto a Xunta de Galicia? para facer caixa. Saben canto vai recadar Feijóo só na provincia de Lugo con estes 100 que lles cobra ás 4.000 familias durante os 9 meses do curso académico? 3.600.000 euros por un servizo que ata o de agora era gratuíto. Isto é inaudito”, concluíu Docasar.
Deste xeito, engadiu que “non podemos seguir permitindo que as nais e pais deste pais teñan que pagar por un servizo que xa pagamos cos nosos impostos. Está claro que ós nosos gobernantes lles dá o mesmo que os nosos fillos poidan comer… e senón que leven o tupper, esa é a solución que dá o Partido Popular… Iso si, os nenos das familias coas rendas máis altas non van ter ningún problema… Pero que pasa cos fillos dos obreiros, dos gandeiros, dos que viven do pequeno comercio? Non se pode permitir que as ANPAs estean a suplir un servizo que ten que dar a Xunta”.
Menos mestres, menos centros e menos unidades de ensino
Ademais, o Partido Popular, tal e como sinalou o voceiro de Educación, é o responsable de que haxa 546 docentes universitarios menos, retrocedendo a niveis de 2005; de que se eliminasen 5 centros e 72 unidades de ensino dende 2010; de que os nenos de Ribeira de Piquín viaxen dúas horas ó día para estudar en Meira; de que a Consellería obrigue a un rapaz de Guitiriz a facer un percorrido en autobús de 2 horas cando ten o colexio a 15 minutos; de que en Samos haxa os mesmos profesores para alumnos de 9 cursos diferentes; de que en Cervantes un mestre deba atender a rapaces de 5 idades distintas; de que catro Concellos da Montaña lucense -Samos, Cervantes, Navia de Suarna e O Incio- se quedasen este curso sen 5 profesores especializados en Infantil; de que se suprimise o pioneiro modelo de Preescolar na Casa; de que os alumnos do Colexio de Educación Especial Infanta Elena de Monforte teñan que abandonar o centro cando cumpren os 21 anos, levando ás familias a unha total desesperanza; e de que se siga sen garantir o mantemento do IES As Mercedes cando é o centro de referencia para o sur da provincia.
Ademais, todos os centros teñen menos orzamento que en 2009; baixaron as axudas para libros, bolsas de estudos, bibliotecas e normalización lingüística; e empeoran as condicións sociolaborais do profesorado.
Tendo en conta estes datos que demostran a política restritiva e “cruel” que están a levar a cabo os gobernos do PP, Vicente Docasar critica rotundamente as últimas declaracións do Ministro de Educación. “E esta é a historia fantaseada da Educación que, supostamente, estamos a construír o PSOE segundo o Ministro Wert? Por certo, o mesmo Ministro que calculou que 10.000 becarios se quedarán en España sen axuda, e que comparou a protesta da LOMCE cunha festa de cumpreanos… Isto é inadmisible e por iso nos manifestamos”, concluíu o deputado autonómico.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
