Lugo, 2 de outubro de 2013.- O voceiro do GPP no Senado e presidente do PP de Lugo, José Manuel Barreiro, e o deputado nacional, Joaquín García Díez, manifestaron, este mércores, que os orzamentos xerais do Estado para 2014, presentados polo Goberno de Mariano Rajoy, “consolidan a recuperación económica de España” grazas ás políticas emprendidas polo Executivo.
Nunha rolda de prensa, na que estiveron acompañados polos deputados nacionais, senadores, voceira do GPP na Deputación de Lugo e voceiro dos populares no concello lucense, ámbolos dous políticos lucenses cualificaron os Orzamentos para o ano 2014 de “realistas e responsables” e destacaron o equilibrio entre a austeridade e a contención do gasto co impulso dun crecemento sostido.
Foi o voceiro do GPP no Senado e presidente do PP de Lugo, José Manuel Barreiro, quen valorou as previsións económicas do Goberno para o ano 2014, que contemplan un crecemento da economía española do 0,7% do Producto Interior Bruto (PIB) e unha redución na taxa de paro, situándose ao final do ano nun 25,9%.
Na súa opinión, as contas presentadas polo Goberno do PP recuperan o rigor que perderon durante os anos de Gobierno de Rodríguez Zapatero, profundizando na redución do gasto público iniciado no ano 2012 e 2013 e comprometéndose a non subir os impostos.
José Manuel Barreiro tamén puxo en valor a aposta do Goberno no estado de benestar, garantindo o poder adquisitivo das pensións e incrementando as partidas orzamentarias de becas, Plan de Vivenda, I+D+i, Cultura e prestacións por desemprego.
INVERSIÓNS EN GALICIA
En canto á inversión do Estado na Comunidade Autónoma de Galicia, o presidente dos populares lucenses resaltou que Galicia é a segunda Comunidade con maior volume de inversión do Ministerio de Fomento no 2014, cun importe de 1.157,7 millóns de euros, o que a sitúa nun 198% por riba da media nacional.
Do mesmo xeito, Barreiro sinalou que Galicia é a segunda comunidade, tamén, cunha maior inversión de Fomento en ferrocarrís, cun importe total de 826,4 millóns de euros. Tamén, quixo destacar unha partida orzamentaria de 25,1 millóns de euros para o impulso das políticas de vivenda na Comunidade galega.
PROVINCIA DE LUGO
Tras facer un repaso xeral das inversións en Galicia, José Manuel Barreiro centrouse na provincia de Lugo, que “é a cuarta de España en inversión de Fomento en estradas, cun importe de 99,12 millóns de euros”, apuntou.
En relación ao ferrocarril, o presidente popular sinalou que a inversión prevista na provincia ascende a 16,59 millóns de euros en actuacións como a redacción do proxecto da Estación Intermodal de Lugo, a continuación das actuacións entre Ourense e Lugo, continuando as obras da variante da Pobra de San Xulián e a eliminación de pasos a nivel.
Para finalizar, Barreiro explicou tamén que as partidas destinadas ao mantemento da rede convencional figuran no capítulo 7 do orzamento e ascenden a preto de 9 millóns de euros na provincia. Tamén no orzamento de ADIF recóllense en partidas para actuacións puntuais na rede convencional en tramos coma o de Lugo-Parga e outras para actuacións en estacións.
CONTIDO DO PROXECTO DE ORZAMENTOS
Foi o deputado nacional, Joaquín García Díez, o encargado de desgranar o contido do proxecto de orzamentos que, na súa opinión, comeza a mostrar os froitos do esforzo e do traballo do goberno de Mariano Rajoy.
“Fai un ano presentábamos uns orzamentos austeros e hoxe podemos dicir que estamos na senda da recuperación”- comezou a súa intervención García Díez, quen destacou a inversión en Galicia e, concretamente na provincia de Lugo, para levar a cabo proxectos moi necesarios.
“Son uns orzamentos rigorosos e realistas; destacou, que cumprido o compromiso de finalizar a A-8 no tramo galego este ano, como así será se non xorden problemas de ultima hora, a prioridade é dar un impulso importante como o que suporá a autovía Santiago-Lugo”- manifestou García Díez, quen, lembrou a inversión en infraestruturas por parte do departamento de Ana Pastor, que converte a Lugo, na cuarta provincia de España en inversión de Fomento en estradas, cun total de preto de 100 millóns de euros.
Manifestou o popular, que no tocante a obras na provincia de Lugo, continuarán as construcións de tres tramos da A-54 entre Lugo e Guntín cun orzamento de preto de 70 millóns par aos tres tramos e retomaranse o tramo Palas de Rei-Guntín, que estaba practicamente paralizado, e agora contará cun orzamento de 15,5 millóns.
Joaquín García puxo de manifesto que, tamén, para a conservación de estradas, o Ministerio de Fomento prevé uns 14,51 millóns algo que “permitirá atender adecuadamente á conservación e sinalización das nosas vías estatais, así como, mellorar a seguridade vial”.
Neste senso, lembrou, o popular, que no Ministerio de Agricultura, Alimentación e Medio Ambiente, figuran partidas por un montante de algo máis de 7 millóns de euros para obras, como a ampliación do Sistema de abastecemento de agua a Lugo, melloras do tratamento de agua potable de Monforte ou a rede de colectores xerais en Lugo.
Finalizou García Díez lembrando que non son menos importantes os compromisos con algunhas inversións que previamente requiren rematar os estudos informativos ou a redacción dos seus proxectos, para o que se consignan cantidades que permitirán abordar estes traballos en obras como a estrada entre Ourense e Ponferrada que mellorará no seu día as comunicacións no sur de Lugo, ou o proxecto para poder contratar as obras entre Barreiros e Foz na costa lucense.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
