Barreiros, 11 de outubro de 2013. O Concello, a través da Omix e da biblioteca, organiza varios talleres para adultos e cativos. A inscrición estará aberta ata o vindeiro 23 de outubro na oficina de información xuvenil.
Os nenos e as nenas empadroados en Barreiros e que teñan de 5 a 12 anos poderán participar nun taller de adquisición de valores a través da lectura, comprensión e expresión e de técnicas de relaxación e concentración. O obradoiro desenvolverase durante os meses de novembro e decembro os mércores de 18:15 a 19:15 horas na biblioteca pública municipal. Segundo explican desde a Concellería de Cultura e Xuventude “trátase dunha actividade gratuíta e con prazas limitadas. Admitiremos ata un máximo de 15 participantes”.
Os técnicos responsables deste obradoiro son Eladio Esteban e Mª José Perdiguero. A inscrición estará aberta ata cubrir as prazas ofertadas, na oficina de información xuvenil e na biblioteca.
O Concello tamén organiza un taller de técnicas de relaxación, respiración e concentración para adultos. Terán preferencia os empadroados en Barreiros. O obradoiro impartirase no centro sociocultural Manuel Díaz Sampedro os luns e os venres e 10:30 a 11:30 horas durante os meses de novembro e decembro. O técnico responsable é Eladio Esteban.
Esta actividade tamén é gratuíta. Os interesados en asistir poden inscribirse ata o 23 de outubro na oficina de información xuvenil e na biblioteca.
Na categoría ata 8 anos: 1º Paula Martínez, 6 anos. 2º Samuel Riera, 7 anos. 3º Valentina Blanco (5 anos) e Iara Pruneda (7 anos). Empate. Na categoría de 9 a 11 anos: 1º Lily Fernández, 9 anos. 2º Lily Fernández, 9 anos. Na categoría de 12 a 16 anos: 1º Iria Baltar, 12 anos.
Terá lugar o venres 23 de maio ás 20,00 horas na sala de exposicións de Regalxunqueira – Viveiro. Ademais do autor participarán a Presidenta do Club de prensa de Ferrol, Julia Diaz Sixto e María José Leira Ambrós, bióloga e sobriña da científica. Serviranse uns petiscos.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
