Foz, 11 de outubro de 2013. O goberno municipal de Foz levará a pleno e apoiará a proposta dos concelleiros do PSOE para construír en Forxán a nova estación depuradora de augas residuais e así desbloquear o inicio dos trámites para esta obra, que é prioritaria para o municipio debido aos problemas ambientais que orixina a depuradora que está no porto focense. Así o manifestou este venres o alcalde, Javier Jorge Castiñeira, quen explicou que esta é a única solución posible e anunciou que este asunto aprobarase nun próximo pleno da corporación local para despois enviarlle a documentación á Xunta e que Augas de Galicia elabore o anteproxecto da obra.
“Dende o grupo de goberno do Concello de Foz queremos deixar claro que non estamos parados con respecto á depuradora. É ben certo que dende que iniciamos o mandato é un dos asuntos prioritarios e tal e como se quedou no ano 2008, cando non estábamos no goberno por certo, déronse diferentes alternativas á inicial, á que propoñía o Partido Socialista, fixéronse varios estudos e non demos só unha alternativa. A que defendía inicialmente o Partido Popular era Sarrido, pero déronse outras dúas opcións máis: unha no propio polígono e outra nos límites de Forxán e Fazouro”, lembrou o rexedor municipal.
Javier Castiñeira manifestou que “é imposible chegar a ningún acordo coa corporación que non sexa a ubicación en Forxán porque o único grupo que opta por unha situación viable é o Partido Socialista. O grupo de goberno ten claro que isto non pode quedar adormecido e como é inviable a primeira opción, tal como se plasmou no pleno hai practicamente un ano, esta é a única que nos queda para quitar a depuradora actual e resolver o grandísimo problema ambiental que ocasiona en Foz, proba disto foi o ocorrido durante os meses de verán cando se viu que hai vertidos, cheiros e malestar. A única solución evidentemente é ir a segunda opción viable que tiña o grupo de goberno, que é Forxán”.
O alcalde anunciou que “dende o día de hoxe vamos coller ese testigo que aporta o Partido Socialista, que en certo modo tamén entende, como o grupo popular, que non pode quedar así este asunto e estudar a opción de Forxán. Polo interese xeral hai que evitar calquera localismo e evidentemente o que se intenta é buscar unha solución que estea aprobada pola maioría da corporación para que os técnicos da Xunta de Galicia teñan xa unha ubicación definitiva. Así o percorrido empezará dende a corporación municipal de Foz e a partir de aí haberá que pasarlle todos os datos a Augas de Galicia para que realicen o anteproxecto e dean solución a un gran problema que ten actualmente o concello de Foz, como é a depuradora”.
Castiñeira tamén manifestou que “hai partidos nesta corporación que se esconden nos momentos difíciles, como ocorreu nos orzamentos ou coa ubicación da depuradora; que se esconden cando a corporación debe se forte. E hai outros que parece que están adoptando posicións responsables e dan alternativas. Evidentemente esta non é a opción que no seu momento pretendía levar a cabo o Partido Popular, pois era Sarrido, xa que era a mellor valorada. Pero é a segunda con mellor valoración. É certo que non había demasiada diferenza, estamos a falar dunha afección de 7 ou 8 casas, máis ou menos”.
Para rematar o rexedor municipal focense destacou que “o único que nos queda a día de hoxe é non durmirnos e tomar decisións. E este grupo de goberno non é a primeira vez que cede en diversas circunstancias: cedeu nos orzamentos e noutras moitas cousas. Evidentemente tócanos a responsabilidade de buscar as mellores solucións e a día de hoxe é a que nos queda. Polo tanto decidimos valorar a zona de Forxán e esperamos que o grupo socialista non dea para atrás, igual que deu no seu momento cos orzamentos deste ano, cando despois de ceder a todas as pretensións que nos pedían ao final votaron en contra. Espero que esa decisión do grupo socialista de apoiar a ubicación de Forxán sexa definitiva”.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
