Lugo, 1 de outubro de 2013.- O Partido Popular da Mariña lucense lamentou este martes que, unha vez máis, o BNG intente enganar aos veciños da comarca nun asunto tan serio como é a saúde. Din tamén que os nacionalistas xa demostraron a súa pouca credibilidade cando fai tempo anunciaban un falso peche do hospital e que agora pretenden infundir medo sen fundamento entre as persoas enfermas que precisan facer uso de medicamentos vitais para a súa recuperación.
Os populares aseguran con contundencia que é absolutamente falso que o Goberno vaia establecer un copago nas medicinas que se administran nos hospitais. Insisten en deixar claro que os pacientes hospitalizados non pagarán polos medicamentos que reciben durante a súa estancia hospitalaria.
CANCRO DE MAMA, LEUCEMIA OU DE COLON
Así por exemplo, medicamentos como o HAVALEN, para cancro de mama, cuxo custo anual oscila entre os 20.000 e 25.000 euros; ARCERRA, para leucemia linfoide crónica cuxo custo anual é de aproximadamente 40.000 euros; ou CFALTRAC, para cancro colorrectal cuxo custo anual é de aproximadamente 40.000 euros, son de uso hospitalario, é dicir, que os pacientes que os reciban non teñen que facer ningunha achega por eles.
FARMACIA HOSPITALARIA
Os populares aclaran que a medida que entrou en vigor neste mes de outubro refírese unicamente a medicamentos dispensados na farmacia hospitalaria previa receita médica, isto é os que prescribe o médico de cabeceira ou especialista para tratamentos domiciliarios
Esta modificación non é nova. A achega do usuario na farmacia hospitalaria regulouse en decembro de 2012 e o único que se fai e ampliar o catálogo de medicamentos afectado por este sistema.
ACHEGA REDUCIDA
Os populares tamén aclaran que todos estes medicamentos suxeitos a achega do usuario, que se dispensan no hospital para o tratamento nos domicilios dos pacientes, terán todos, sen excepción achega reducida. Isto significa que para todos os casos non se pagará máis do 10% do seu custe, cun tope de 4,20 euros.
Para unha mellor comprensión, o Partido Popular exemplifica este novo sistema explicando que si un medicamento custa 20 euros, o usuario pagará 2 euros. Pero si, como ocorre en moitos casos, o medicamento custa varios miles de euros, o usuario só aportará 4,20 euros como máximo.
A maiores respecto deste copago o Partido Popular lembra que estarán exentos os mesmos colectivos que co resto de fármacos: as pensións máis baixas, rendas integración social e parados de longa duración (case un millón de persoas que antes tiñan que pagar o 40%).
No Partido Popular sinalan que pediuse un esforzo aos cidadáns, pero sempre será un esforzo equitativo, polo que aportan máis aqueles que máis teñen e menos ou nada aqueles que menos teñen.
Lembran finalmente que o novo sistema de achega á farmacia, que entrou en vigor en xullo de 2012, permitiu aforrar nos últimos 14 meses máis de 2.300 millóns de euros.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
