Este xoves 3 de outubro ás 20:30 horas terá lugar na CASA DAS LETRAS de Ribadeo a presentación do libro “El oro de Salave. Minería, especulación y resistencias” publicado por Cambalache ecoloxía. Cambalache é un proxecto social autoxestionado que trata de xerar espazos de encontro e intercambio nos que compartir resistencias ao capitalismo a través da creación dun discurso propio. A febre do ouro, que nas últimas décadas supuxo a irrupción das corporacións mineiras en boa parte de África e América Latina, chegaron tamén ao Estado español, e concretamente a Asturias. Este libro é unha contribución á loita contra o proxecto dunha mina de ouro no occidente asturiano. Alí, nas inmediacións de Tapia de Casariego, hortas e ganderías ecolóxicas, escolas, peixerías tradicionais e o ecosistema singular das lagoas de Silva atópanse ameazadas. Previamente á presentación do libro proxectarase o documental “El oro de Salave” na tenda-bar Amodiño, ás 19.00 horas.
Presentación do libro ‘El oro de Salave’ en Ribadeo
Relacionado
-
Preto dunha vintena de comercios asociados a Acisa Ribadeo participan ata este domingo, nunha nova edición do Comercio na Rúa
-
María Palmira Martínez Rouco celebrou en Sumoas, no concello de Xove, o seu 100 aniversario acompañada pola súa familia
-
Volven os retroclásicos a Barreiros este sábado, 22 de agosto
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
