O club deportivo Marqués de Casariego de Tapia pecha as xornadas micolóxicas deste 2013 cunha cea-baile que se desenvolverá o sábado 30 de novembro ás nove e media da noite no restaurante El Álamo de Rapalcuarto coa música de Discoteca Móvil Mourelle. O Club Deportivo “Marqués de Casariego” quere “contribuír, neste ano difícil e complicado, abaratando os prezos con respecto ao ano pasado, colaborando desta maneira a que todos poidan acompañarnos”. Así, o prezo da actividade será de 22 euros para os socios e rapaces maiores de 10 anos, 24 euros para os non socios e 15 para os menores de 10 anos. Os interesados poden retirar as entradas ata o mércores 27 no propio restaurante ou en A Dorada do cantábrico (Ribadeo) ou reservándoas nos teléfonos do club: 659 000 707 (Rafa), 689 175 515 (José Luís) e 608 540 828 (Eva). O menú estará composto por: puding de cogomelos, champiñóns recheos de xamón, polbo con cogomelos e pataca cocida, solombo de porco con cogomelos e patacas, tarta de cogomelos, viños, licores e café.
Cea baile micolóxica en Tapia
Relacionado
-
Falece un motorista en Lugo
-
O grupo dos maiores de Cervo Concilia fixo este mércores unha saída á praia para recoller tesouros naturais: cunchas, area, pedras e outros materiais especiais
-
O alumnado de 6º curso de Educación Primaria do Colexio Sagrado Corazón, de Ribadeo, celebrou cun evento o seu paso á ESO
Está a celebrarse do 1 ao 5 de xullo na piscina municipal o primeiro campus de verán de waterpolo, dirixido a deportistas federados que queren aprender e gozar deste deporte nun ambiente divertido e formativo, en colaboración coa FEGAN e que conta coa visita de profesionais deste deporte, que comparten a súa experiencia e coñecementos cos participantes.
O 112 Galicia recibiu o aviso ás 5:30 horas desta madrugada de martes. Cando sucedeu o accidente, a vítima estaba a traballar no servizo de recollida de lixo, na Rúa da Igrexa, en Ourol. Alí acudiu unha dotación de Urxencias Sanitarias de Galicia-061, quen deu a voz de alerta. Sen embargo, nada puido facerse por este traballador, do que avanzaban quedou inconsciente tras a caída do camión da recollida do lixo. Para apoiar as labores do equipo médico, desde o 112 Galicia, solicitouse a intervención dos axentes da Garda Civil e dos voluntarios de Protección Civil de Ourol.
Unha primeira xornada chea de risas, descubrimentos e moita calma da man de Rosa, e das súas acompañantes caninas Vilma e Tila. Todos os martes, de 12:00 a 13:00 h, haberá este espazo no que aprenderase a identificar, expresar e xestionar o que se sinte dentro do programa Enredando no verán. Está dirixido a nenos e nenas de 3 a 6 anos. Inscricións para o Taller de emocións na Casa da Cultura: casadacultura@concellodecervo.com, tel: 982 595 157.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
