O portugués procedente do SK Interobal Plzen chegará durante a tarde de mañá a Burela para incorporarse aos adestramentos do equipo
Burela, 12 de agosto, 2025. João Miguel Santos Rodrigues da Silva (Santarém, 19-06-1992), coñecido como João Silva, é a nova incorporación para reforzar a defensa burelense. O gardameta portugués procedente de o SK Interobal Plzen xogou case toda a súa vida na liga portuguesa, a gran maior parte do tempo en Primeira División.
Fórmase no CAS Vicentense e en categoría xuvenil ficha polo Achete durante dúas tempadas, ingresando posteriormente no Portela durante outras dúas. Na 14/15 xoga no Quinta dos Lombos rematando o seu paso pola segunda división e pasando a disputar en primeira co club lisboeta, o Belenenses, onde xogará durante unha tempada e media, pasando na 16/17 polo Marítimo e rematando na liga Armenia co Leo Futsal Club. Volve á casa ingresando no Ferreira do Zêzere por unha tempada e pasando ao Portimonense onde xogará durante dúas, contribuíndo a conseguir o ascenso do equipo a primeira na 18/19. Continúa en Primeira División ata o día de hoxe, durante a 20/21 fichando por o Viseu 2001/Palácio do Gelo, e na 21/22 proba no Torreense durante uns meses, volvendo ao Portimonense a media tempada. Na 22/23 ficha polo Eléctrico FC e na 23/24 decide experimentar de novo lonxe de casa desprazándose á liga maltesa, co Luxor St. Andrews e xogando media tempada no Ribera Navarra no noso país. Durante a pasada campaña comeza no Sport Club Lusitânia dos Azores e remata o curso na República Checa co SK Interobal Plzen.
O experimentado porteiro defínese como “rápido e seguro baixo paus, con boa lectura de xogo e traballador”, móstrase motivado para afrontar esta tempada, ”espero achegar co meu xogo e experiencia, dentro e fóra da pista, pero tamén creo que teño moito que aprender neste equipo, que conta con moita xente nova pero con moita calidade e experiencia no fútbol sala español”.
Coñecedor do noso club, “Creo que o Burela FS é un club moi familiar, que vive e respira fútbol sala, moi profesional e con moitas ganas de facer as cousas ben. Teño moitas ganas de coñecer o proxecto e de tentar axudar a conseguir os seus obxectivos”, e da nosa afección, ”O que sei da afección é que é diferenciadora e un +1 para o club, espero que nos sigan como sempre fan todos os anos. Pola miña banda van ter moito compromiso e traballo.”
João chegará a Burela mañá pola tarde e incorporarase á dinámica do equipo, que xa comezou a adestrar esta semana, na mañá do xoves.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
