Suporía unha notable mellora da mobilidade, redistribuíndo o tráfico e favorecendo a residentes, empresas, comercio e turistas con orixe ou destino á vila do Eo
Ribadeo, 12 de agosto de 2025. O Partido Popular presentou no Senado unha moción para forzar ao Goberno á execución dun segundo acceso a Ribadeo desde a A-8, en dirección a Asturias, unha reivindicación recorrente dos veciños desta localidade e dos municipios limítrofes sobre a que agora terán que tomar posición todos os grupos políticos.
Así o anunciaron os senadores populares lucenses -José Manuel Barreiro e José Manuel Balseiro- logo de reunirse co alcalde da localidade, Dani Vega, e con concelleiras do equipo de goberno local que levan tempo liderando esta demanda, “ante a que o Ministerio de Transportes fai oídos xordos”.
Vega destaca que dotar dun novo enlace á localidade desde a autovía do Cantábrico traería consigo múltiples vantaxes: “unha notable mellora de mobilidade e da seguridade viaria, ao redistribuír o tráfico con destino á vila ribadense, e indirectamente efectos positivos desde o punto de vista turístico” e en tempos de desprazamento para os residentes, empresas e negocios desa zona.
O segundo acceso desde a A-8 á altura da ronda de Vilaselán, a priori, non require obras de grande complexidade xa que existe unha rotonda de conexión coa que se podería facer eses enlaces: “só é preciso orzamento e vontade política, e vai sendo hora de que o Goberno de España invista en Ribadeo”, aclaran. Trataríase dun segundo acceso para o tráfico procedente de Galicia, xa que hai dous para os condutores que chegan desde Asturias.
DO CONSENSO AO COMPROMISO
Os senadores populares lembran que xa no seu momento formularon unha pregunta ao Ministerio de Transportes sobre a posibilidade de acometer esta obra pero o Goberno Sánchez respondeu que a descartaba, non tiña previsión, nin orzamento reservado con este fin.
Con todo, os populares agardan que o Ministerio de Transportes rectifique, tendo en conta que “esta non é unha demanda partidista, senón sobre a que existe un amplo consenso social e político, como demostra o feito de que xa no seu momento foi apoiada por todos os grupos políticos municipais: PP, BNG e PSdeG”, segundo subliña o alcalde, Dani Vega.
Desde o PP agardan “que ese consenso se converta agora en compromiso” a favor da execución dunha obra que contribuiría a dar aire fresco aos accesos actualmente existentes desde a autovía que soportan en moitas ocasións unha gran intensidade de tráfico e que en todo caso require de mellores comunicacións.
Os senadores esperan o voto favorable de socialistas e nacionalistas. E, en todo caso, sinalan que esta demanda se converterá nun mandato, “en deberes para o Goberno” grazas á maioría absoluta da que o PP goza no Senado.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
