Excepcional actuación do grupo Fantoches Baj con As Pombas do Carboeiro, o domingo na Casa da Cultura de Foz organizado pola Biblioteca Pública Municipal. Recitado medieval con humor, música e historia (un traballo de memorización xenial) que encandilou ao público en xeral e aos alumnos do IES de Foz en particular, sendo unha obra magnífica para explicar unha parte da historia e de lugares de Galicia converténdose en frades que teñen por misión convencer o batallón do exército napoleónico de que non sacie a súa fame coa poboación de pombas mensaxeiras que habitan no mosteiro de Carboeiro. A historia descobre o amor prohibido entre Cervela (correo de El-Rei Fernando II) e Octavia (a filla máis nova de Lupa de Lobarzán), que dará orixe á estirpe de aves que habitan o mosteiro. A Biblioteca agradece a colaboración da Secretaría de Normalización Lingüística para a organización desta actividade dinamizadora do galego.
Éxito de ‘As Pombas de Carboeiro’ en Foz
Relacionado
-
O delegado da Xunta, Alfonso Villares, presentou este sábado en Abadín a cuarta edición do festival Rumboia Viva, que terá lugar o 27 de xuño con apoio autonómico
-
Artesanía, tradición e vida rural volven darse cita en El Franco cunha nova edición de Artenatur
-
O delegado territorial da Xunta en Lugo, Alfonso Villares, participou este venres na xornada final da Semana do Deporte que organiza a Consellería de Cultura, Lingua e Xuventude no Espazo Xove de Vilalba
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
