Remedios López Villar, Concelleira do PSOE.- Dóeme moito ver como nesta época difícil de levar por moitas familias o Alcalde de Burela en vez de aplicar políticas sociais que axuden a moitas familias a chegar a final de mes, opta por encher o seu peto de dietas e nóminas e olvídase da xestión do pobo. Para solapar a súa mala xestión en vez de sacar proxectos para diante escúdase en que non hai cartos e opta por facer oposición a oposición.
Comezamos o ano coas luces a escuras do pobo, cando soupemos o resultado da súa auditoría enerxética, entre o que costou e o pouco que aforramos (xa que apagou as luces que eran de baixo consumo) tivo que agachar as orellas e volver a acender as farolas…. Logo nos di que leva dous anos intentando solucionar o tema das pistas de padel da Marosa, que incluso ten pensado tiralas. Que casualidade e a semana dea coa solución do que non puido facer en dous anos e volva a dar marcha atrás…. Co tema das contratacións xa nin falar, con este goberno xa sabemos que funciona a vinculación nominal (a dedo) que xa criticamos en distintas ocasións, non valorando a profesionalidade, formación… Co tema das asociacións que podemos dicir, volvéronse a equivocar. Antes de que as asociacións presentaran os proxectos das cousas que sacaron a diante xa tiñan otorgada unha cantidade económica, había unhas bases no concello que non respetaron e así chegamos a conclusión de que se lle deu subvención a quen tivo as portas pechadas todo o ano, a colectivos que non estaban constituídos de forma legal ……TODO UN CIRCO.
Na área que eu xestionaba como concelleira do Mar debo dicir que en épocas nas que non había cartos e non se lle puido dar unha cantidade económica, fíxose unha xestión que ao mellor foi mas rentable que unha limosna coma a que lle deu a algunha asociación. E eu mesma terei que lembrarlle: A asociación LEDICIA veuse beneficiada coa firma de un convenio entre o Concello e a Cofradía de Pescadores onde a Xunta lles permitía meterse na nave de redes para facer a feira e así aforrar unha carpa que lle custaba 8.000€, ao ano seguinte que tampouco se lles deu partida económica déuselle 4.000 exemplares do libro “BONITO DE BURELA” que distribuíron de forma gratuita na festa. Co Club náutico cando comezaron as obras do porto comercial falouse con Portos de Galicia e buscóuselles unha nova ubicación, fíxose o novo edificio, cambióuselle o material e fíxose unha nova rampa de acceso ao mar para poder baixar o material dos cursos. O que nunca permitimos e que estivera pechado todo o verán e que ninguén puidera desfrutar das súas instalacións. Coa fundación Expomar solo lle teño que dicir que o Concello aforrou cartos e que a Feira fíxose de forma bianual como era de costume e as xornadas técnicas e o encontro empresarial de forma anual coma sempre. E con eses 12.000€ que aforraron os veciños de Burela coa boa xestión, saquei a diante cousas que se perderon con vostede como:
CURSOS DE SOCORRISMOS, CURSOS DE PATRÓN DE EMBARCACIONES DEPORTIVAS (TITULIN) Y DE RECREO (PER), XORNADAS GASTRONÓMICAS E LIBROS GASTRONÓMICOS, LIBRO DE MEMORIAS DO OFICIO DO MAR DE BURELA, EXPOSICION FOTOGRÁFICA, CHARLAS SOBRE AS MEDUSAS, CURSOS DE SURF, CAMPIONATO GALEGO DE MOTO DE AUGA, O DÍA DO MAR CON MULTIACTIVIDADES ACUÁTICAS, SARDIÑADA POPULAR, CURSO DE REDEIRAS, REGATA DE BARCOS, CERTAMEN DE RELATO CURTO, NO NADAL CONSUME OS NOSOS PRODUTOS…
Todo isto ven recollido nun calendario ou como a vostede lle gusta chamar “Books fotográfico” que non lle costou un duro aos veciños de Burela xa que o pagou moi gustosamente os Grupos de Acción Costera financiados pola Consellería do Mar naquel momento gobernada polo PP.
PD. Deixen de pensar no final de mes e póñanse a traballar que os veciños de Burela non merecen este DESGOBERNO.
Remedios López Villar, Concelleira do PSOE
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
