O duelo polo liderato da Primeira División saldouse con vitoria para o Atlético de Madrid Navalcarnero tras impoñerse por 1-2 ao Burela Pescados Rubén. Ju Delgado, autora dos goles colchoneiros, convertiuse na gran protagonista dun choque de máxima intensidade e con dominio alterno.
Durante o primeiro periodo ambos conxuntos presionaron ao seu rival con moita intensidade e, tralo tanteo inicial, alternaron o dominio no xogo pero sen ocasións claras e demasiadas imprecisións por ambas escuadras. Aínda que Patri desbaratou un par de accións de certo perigo visitante, a mellor ocasión foi para o Burela Pescados Rubén, minuto 7, pero o pau interpúxose no camiño do gol tras un disparo colocado de Peque. A igualdade do choque rompeuna Ju Delgado, minuto 17, aproveitando unha concesión laranxa logrou bater a Patri cun potente disparo raso desde a frontal do área. Con este marcador chegouse ao descanso e na continuación o Atlético comezou dominando pero Lidia marcou o empate tras un saque de esquina, minuto 23.
A igualada revitalizou ao conxunto burelés e as madrileñas acusaron o golpe considerablemente. O Burela Pescados Rubén dominaba e gozaba de ocasións para adiantarse pero perdoaba ante a meta defendida por Belén. O Atlético sufría ante o acoso laranxa ata que Ju Delgado emerxeu de novo. Tras un roubo en media pista plantouse nun man a man con Jozi e con serenidade logrou marcar o 1-2, minuto 32.
No tramo final do envite, as madrileñas perdoaron dous dobrepenaltis, Fabi e Natalia. O Burela recorreu ao xogo de cinco e a oportunidade do empate chegou nun dobrepenalti a 40 segundos do final. Peque asumiu a responsabilidade aínda que o seu disparo marchouse desviado e non puido evitar a vitoria das colcheneiras.
Ficha técnica
Burela Pescados Rubén: Patri, Lidia, Peque, Maite, Bea –cinco inicial- Claudia, Lara, Jozi.
Atlético de Madrid Navalcarnero: Belén, Leti, Ju Delgado, Anita Luján, Rosana –cinco inicial- Natalia, Cristina, Fabi.
Goles: 0-1, m. 17, Ju Delgado; 1-1, m.23, Lidia; 1-2, m.32, Ju Delgado.
Incidencias: Partido correspondente á xornada 8 da Primeira División, disputado no pavillón municipal Vista Alegre de Burela. 800 espectadores.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O acto é aberto a quen queira participar neste recoñecemento. O grupo, con 80 anos de historia e formado por persoas de Figueras, Castropol, Vegadeo e Ribadeo, escolle este ano a Ribadeo para distinguir unha figura local, retomando a liña iniciada hai tres décadas con Luz Pozo Garza. As inscricións están abertas ata o luns 17 de agosto no número 680 13 24 24. Agárdase unha ampla participación.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
