Teatro nas Rodrigas co grupo Xoldra

A asociación cultural Arrincadeira organiza unha sesión teatral no Centro Sociocultural das Rodrigas este sábado 16 ás 21.00 horas da man do grupo de teatro Xoldra, de Mondoñedo. “Fonda Lurditas“, conta a historia dunha fonda dos anos 70 onde pasan diferentes personaxes peculiares do pobo de Mondoñedo. A maioría das escenas acontecen no comedor, onde os donos e os comensais teñen as conversas normais dun pobo pequeno onde todos se coñecen. A propietaria da fonda, Lurditas, cansada de traballar e aturar o seu marido, Rodolfo, quere atopar solucións aos seus problemas pero os clientes que pasan por alí, en vez de axudar, empeoran as cousas. Os clientes son de distinta índole, dende un coronel e a súa familia até a xente que vai ao mercado, o pícaro dos recados ou as cotillas do pobo.