Lugo, 9 de decembro de 2013. O delegado de Cultura e Turismo, o nacionalista Mario Outeiro, presentou, este luns, na rolda de prensa posterior á Xunta de Goberno da Deputación Provincial, a programación ‘Nadal Cultural’, unha amplo conxunto de actividades pensadas e organizadas para que públicos de todas as idades poidan desfrutar da cultura tamén durante as festas de Nadal.
A meirande parte das actividades programadas responden á aceptación do público en edicións anteriores, destacando ‘Cantos de Nadal’, que ano tras ano enche as rúas de cánticos e panxoliñas interpretadas por diferentes corais da provincia sendo unha das actividades máis aclamadas polos lucenses. Este ano, entre as corais participantes atópanse Amigos do Camiño de Santiago, A Coral Polifónica Xolga, Asociación Cultural Coro de San Antonio, Coro Novo Amencer, Coro Ecos do Miño, Orfeón Xoán Montes, Schola Grecoriana Lucense, Orfeón Luecense, Conxunto Vocal Lugh, Coro Cantar Delas e a Coral do Hospital Xeral Calde. Nos vindeiros días concretarase as rúas de Lugo onde farán as súas actuacións e as horas.
Outras das actividades que se espera conten co apoio do público son a Clausura de Dramaturxias de Baúl –mostra de traballos realizados nos obradoiros de dramaturxia impartidos por Santi Cortegoso – o venres 27 de decembro, ás 20:30horas, no Museo Provincial, e o ‘Nadal Fiado’ coa Asociación de Mulleres Rurais San Bartolomeu de Insua, unha xornada na que se poderá visualizar e comprender a fía tradicional do liño e da lá e que terá lugar na lareira do Museo Provincial o venres 3 de xaneiro ás 17:00 horas.
Nesta programación teñen un especial protagonismo os máis pequenos para os que se deseñou o ‘Nadal Miúdo’, con actividades como a visita do Apalpador, o luns 23 de decembro, ás 17:30 horas polas rúas da cidade, organizada en colaboración coa Asociación Revolta Natural; a presentación do disco Pan de Millo con Migallas Teatro, o xoves 2 de xaneiro ás 18:30 horas na Sala de Exposicións do Pazo de San Marzos; e contacontos con Soledad Felloza tamén na Sala de Exposicións do Pazo Provincial.
Ademais, o Museo Provincial está a ultimar máis actividades co obxectivo de que as familias poidan compatibilizar o seu traballo coas vacacións dos cativos.
Vicepresidencia urxe ao Estado e á Xunta que garantan unha sanidade pública de calidade e universal
Noutra orde de cousas a Vicepresidencia da Deputación Provincial de Lugo tamén quixo amosar o seu apoio a folga xeral convocada polos traballadores e traballadoras da Sanidade Pública para hoxe luns e mañá martes, en contra dos recortes, dos copagamentos e das privatizacións e en defensa dunha sanidade pública de calidade e do acceso universal á mesma. Así o manifestou o portavoz nacionalista, quen chamou a toda a sociedade a mobilizarse para frear o desmantelamento dos servizos públicos iniciado polo Goberno do Estado e a Xunta de Galiza que continúan establecendo “barreiras ao acceso da poboación aos servizos asistenciais obrigando a pagar os medicamentos a pensionistas e a pacientes crónicos ou con enfermidades graves, como cancro, tumores cerebrais, leucemia mieloide crónica, tumores malignos non resecábeis e/ou metastásicos do estroma gastrointestinal (GIST), artrite reumatoide, dexeneración macular ou a hepatite C crónica, a pagar próteses, ambulancias ou mesmo alimentos especiais”.
Desde a Vicepresidencia da institución provincial alertan de que o Goberno galego está traballando na posibilidade de que os pacientes paguen unha parte da asistencia que reciben e que actualmente é gratuíta no momento do seu uso e nun novo mapa de áreas de xestión clínica, medidas que Outeiro espera “non se leven a cabo, en canto suporían decretar a morte definitiva do sistema sanitario público e universal. Os populares esquecen que todos os cidadáns teñen dereito á protección e ao coidado da súa saúde con independencia do seu nivel de renda. Mentres o PP busca artimañas para que só os ricos e poderosos teñan dereito á sanidade, desde a Deputación buscamos medidas para evitar que iso sexa así e paliar as consecuencias das súas políticas privatizadoras e excluíntes”.
Neste senso, o portavoz nacionalista recordou o “esforzo que fará a Institución Provincial no vindeiro ano para axudar economicamente a aqueles concellos lucenses que acordaron sufragar o custe das menciñas de dispensación hospitalaria para pacientes con patoloxías graves ou crónicas tratando de impedir que ninguén quede sen o tratamento que precisa por razóns económicas”.
“Coa coartada de reducir o gasto público para pagar aos bancos e aos especuladores, os executivos central e galego están fechando hospitais, centros de saúde, laboratorios, servizo de ambulancia, reducindo persoal sanitario e precarizando as súas condicións de traballo nos centros hospitalarios e de atención primaria. É evidente que o Partido Popular non sabe xestionar a sanidade pública e tampouco lle interesa facelo porque vai en contra da súa ideoloxía. Merecemos unha sanidade pública que actúen corrixindo diferenzas sociais, non creando novas desigualdades”, concluíu Mario Outeiro.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
