O delegado de Cultura e Turismo da Deputación de Lugo, o nacionalista Mario Outeiro, presentou, este luns, xunto con José Manuel Díaz Paz, encargado do parque zoolóxico Avifauna e Antonio Ibáñez Burgo, secretario e socio fundador do mesmo, o I Certame de pintura infantil e xuvenil ‘Avifauna’, dirixido ao alumnado do 2º e 3º ciclo de Educación Primaria dos CEIPs da provincia de Lugo.
Estimular entre o alumnado participante o coñecemento e o interese polo mundo das aves e o medio natural para a súa conservación como parte do patrimonio colectivo galego, ao tempo que se potencia o desenvolvemento das súas habilidades e creatividade a través da pintura, é o principal obxectivo que persegue a convocatoria deste certame.
Neste sentido, Mario Outeiro afirmou que “estamos ante unha iniciativa que pretende animar aos centros de ensino da provincia de Lugo a que ademais de visitar Avifauna, actividade que está bastante xeneralizada entre os colexios da provincia grazas a un convenio de colaboración coa Deputación, esa visita vaia máis alá e dea os seus froitos, de maneira que o certame invite ás rapazas e rapaces a seguir investigando na temática ornitolóxica”.
Poderán participar un total de 40 alumnas e alumnos, 10 por curso, de cada centro escolar, sendo elixidos polos seus respectivos titores escolares. Así, os centros de ensino participantes deberán enviar a ficha de inscrición a través do enderezo electrónico administracion@avifauna.net ou por correo postal á sede de Avifauna: Montirón 65-67 entlo A, 27002, Lugo; antes do 15 de marzo de 2014.
As obras presentaranse, unha por alumna ou alumno, nun tamaño DIN A3 e os materiais e a técnica empregada serán libres. No caso de conter elementos lingüísticos a lingua empregada será sempre o galego. Os traballos enviaranse sen remite, indicando no sobre “I CERTAME DE PINTURA INFANTIL E XUVENIL AVIFAUNA” e a categoría na que participa (2º ou 3º ciclo de Primaria). Acompañaranse dun sobre pechado no que se indicará o nome, enderezo, idade, teléfono e centro onde estuda a/o participante. Todos os traballos deberán ser enviados por correo postal ou entregados na sede de AVIFAUNA (Montirón 65-67 Entlo A, 27002, Lugo), entre o 16 de marzo e o 10 de maio de 2014.
Establécense tres premios na categoría infantil (2º ciclo de primaria) e tres na categoría xuvenil (3º ciclo). O primeiro premio de cada unha delas consistirá nunha tablet e carné de socia ou socio de Avifauna; o segundo será un lote de libros e carné; e o terceiro, carné de socio.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
