Cervo, 9 de decembro de 2013- O Concello de Cervo convoca unha nova charla informativa (mércores 11, 19:30 horas, Casa da Cultura) sobre o Plan de emerxencias do encoro de Río Covo, neste caso dirixida a todos os veciños e veciñas do municipio, especialmente a aqueles que se atopan na zona de influencia, como son os habitantes da zona baixa de San Ciprián, é dicir, os que viven máis preto do río Covo, as vivendas situadas nas proximidades do cruce de Río Covo coa estrada nacional (próximas ao encoro), Lieiro e O Guioncho.
De todos os xeitos, dende a Concellería de Seguridade Cidadá, o edil José Ramón Soto asegura que “é recomendable que todos os cervenses acudan a esta charla xa que nela darase información de seguridade moi relevante”.
Esta reunión forma parte da campaña de información á poboación posta en marcha polo departamento de Seguridade Cidadá do Concello de Cervo a través de técnicos municipais de emerxencias, Alcoa, a Dirección Xeral de Emerxencias e Augas de Galicia. A primeira xuntanza para informar á poboación, celebrada a semana pasada, estaba dirixida aos representantes das asociacións e, previamente, organizouse unha reunión para informar aos membros da corporación. Agora, a charla esténdese a toda a cidadanía.
O Concello agarda que acuda a esta reunión o maior número de persoas posible xa que “é de vital importancia que todos e cada un dos veciños saiba como actuar nun hipotético caso de incidente no encoro de Río Covo” explica Soto. Por iso, na xuntanza vaise explicar o contido do plan, que inclúe todas as medidas a activar en caso de perigo e durante todas as fases, dende a prevención ata protección e evacuación da poboación.
Tal e como se vén insistindo dende que se iniciou a campaña de información á poboación, estas medidas só buscan ter contempladas todas as posibles situacións e as respostas recomendadas en cada caso ante un improbable incidente no encoro de Río Covo xa que “as posibilidades de que haxa un problema son moi reducidas”, explica o edil.
Contidos
Na xuntanza tamén se darán a coñecer as pautas de actuación que debería seguir a poboación, que inclúen consellos básicos de seguridade así como outras indicacións máis específicas sobre o caso do encoro de Río Covo. Tamén se ofrecerá información sobre os cinco puntos de encontro habilitados aos que debería acudir a poboación ou ser evacuada en caso de incidente. Hai un por cada zona de vivendas, polo que cada veciño debe coñecer o máis próximo. Ao mesmo tempo, os veciños poderán realizar preguntas e resolver as súas dúbidas sobre o plan.
Os técnicos tamén informarán da existencia de sirenas de aviso á poboación, que só se activarían nun suposto de máxima emerxencia. Aínda así, a veciñanza debe aprender a recoñecelas así como a diferenciar os diferentes códigos, basicamente os que indican o inicio e o fin da alerta.
Neste sentido, tamén é importante anunciar que antes do remate do ano realizarase unha proba sonora coas sirenas, unha medida que ten un dobre obxectivo. Por unha banda, os técnicos comprobarán o bo funcionamento dos dispositivos, e por outra, os veciños aprenderán e recoñecer os sinais acústicos. Ao mesmo tempo, reproduciranse mensaxes de voz que avisarán de que se trata dun simulacro. A data concreta da proba anunciarase durante a reunión deste mércores e divulgarase a través de diferentes medios.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
