O galo foi o protagonista da quinta xornada da LNB na conferencia norleste en Ribadeo, pero nesta sexta xornada tocoulle á galiña; pero non unha calquera, senón unha das razas máis antigas da Península: a auténtica GALIÑA DE MOS, que se consolida como referente anual da tempada billardeira que se celebra en Castro Ribeiras do Lea.
O sábado 11 de xaneiro celebrouse esta xornada, moi agardada por ser unha das mais esixentes da tempada, na que os palanadores han de poñer en xogo tanto a forza como a técnica para non verse sorprendidos e saír con ben do envite.
As vésperas non foron moi prometedoras con choiva abundante, pero a LNB está afeita a xogar en condicións extremas e non se vota atrás. O bo tempo acompañounos na tarde do sábado aínda que o campo de fútbol estaba brando e máis complicado do agardado. Aínda así, as tres pistas dispoñibles deron unha gran axilidade ao xogo e permitiron rematar mentres o lusco fusco loitaba por se facer un oco na tardiña chairega e dar fé da entrega das Galiñas de Mos aos gañadores da tarde.
Os Billardeiros Musicais seguen coa súa sinfonía particular de gañar aberto tras aberto aumentando a vantaxe. A loita parece estar centrada en acadar o segundo posto no que Carabullo de Teixo e Troitas Bravas non dan trégoa manténdose a tres puntos de distancia, pero en calquera momento pode cambiar.
Tamén en individuais son os palanadores dos Billardeiors Musicais os que marcan o ritmo a seguir copando os primeiros postos da clasificación. A nota negativa da xornada foi para Richar de Tropa Lixeira que viña mantendo con autoridade o primeiro posto e, nembargantes, unha moi cativa xornada na que só colleitou 2 puntos, fíxolle caer catro postos na xeral. Agora é quinto cos mesmos puntos que Xermán.
Non era doado conseguir varados, pero si que se fixeron dous. O primeiro conseguiuno Adrián de Extensión Billarda na súa primeira carreira da tarde e seguiuno Santi de Carabullo de Teixo nun duelo fraticida co seu compañeiro de equipo Charli, quen, deste xeito, viu truncadas moi cedo as súas aspiracións por facerse ca afamada pita.
Acadaron o pleno de vitorias catro xogadores: Reyes e Juan por Billardeiros Musicais, Manolo por Troitas Bravas e Gelín por Gharabotos que traía gañas de levarlle parexa ao galo que gañara Luis na anterior xornada. Nada que facer. A intratable parella ribadense non deu chance e fixéronse cos dous primeiros postos. Gelín quedou terceiro e Manolo foi cuarto.
Recibiron, pois, unha fermosa Galiña de Mos Juan e Reyes como primeiro e segundo e David de O Cadaval como mellor local que a piques estivo de entrar na final. Só cedeu un empate conseguindo nove puntos.
As clasificacións van apretándose co paso das xornadas de xeito que entre o primeiro e o clasificado na décimo cuarta posición só hai dez puntos de diferenza. A emoción vai in crescendo de aberto en aberto e unha boa ou mala tarde pode supoñer entrar ou saír dos postos que dan dereito a xogar as finais nacionais. O mesmo ocorre en varados onde ninguén se destaca especialmente. Só en equipos hai un claro destacado: os Billardeiros Musicais que non senten vertixe e atópanse cómodos nas alturas. A loita, pois, céntrase máis no segundo posto.
Clasificación da conferencia Norleste da LNB:
Individual
Regueiro, 49 puntos. Charli e Daniel, 47 puntos. Juan, 46 puntos. Richar e Xermán, 45 puntos.
Equipos
Billardeiros Musicais: 210 puntos. Carabullos de Teixo: 167 puntos. Troitas Bravas: 164 puntos.
Varados
Regueiro: 4. Santi: 4. Charli, Daniel, Miguel Morán e Muriego: 2 varados.
A sétima xornada celebrarase en Meira o 1 de febreiro no V Torneo do Lacón.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
