O Presidente da Deputación de Lugo, José Ramón Gómez Besteiro, mantivo este mércores un encontro cos tres accionistas do CB Breogán que lle solicitaron unha entrevista a título persoal, non en representación da masa accionarial, sobre o proceso de venda das accións que a institución provincial ten do club. Gómez Besteiro explicoulles a Julio González, Luis Anido e Luis Castro que a proposta da Deputación garante “os intereses da provincia de Lugo e do colectivo breoganista, conxugándoos coa lexislación societaria e patrimonial vixente”.
Tamén incidiu en que a Deputación está a cumprir “un compromiso político”, pois considera que unha Administración pública non debe ser propietaria de clubs deportivos profesionais, algo que “cremos que comparte a maioría dos cidadáns desta provincia”, indicou, e que os tres accionistas cos que Besteiro se reuniu hoxe tampouco cuestionan.
De feito, a decisión de saír do Breogán xa foi anunciada polo goberno provincial hai máis de medio ano -o 8 de xuño de 2013-, e a folla de ruta para deixar o CD Lugo tamén está perfectamente deseñada. “Pasará o mesmo co Club Deportivo Lugo. Nós aceptamos o compromiso de adquirir unhas accións nun determinado momento para que o club puidera estar en Segunda División, pero xa marcamos a vontade política de que non queremos permanecer nos clubs deportivos profesionais, máis alá de que seguimos apoiando a través de subvencións a todos os equipos de deporte desta provincia”, argumentou o Presidente.
A deslocalización é imposible
Besteiro coincidiu cos tres accionistas do Breogán cos que se reuniu en que a deslocalización “é imposible” por dous motivos:
– Primeiro, porque a Deputación só puxo á venda o 48% das súas accións, cando posúe aproximadamente o 60%.
– E segundo, porque os propios estatutos da entidade deportiva no seu artigo 21 establecen o seguinte: “Cando haxa que modificar o termo municipal onde estean ubicadas as instalacións deportivas utilizadas polo equipo profesional de baloncesto nas competicións oficiais, necesitarase o voto favorable do 75% do capital social para poder adoptar validamente dito acordo”.
Garántese deste xeito a viabilidade e gobernabilidade do club co fin de que volva a ser de todos os lucenses.
A poxa é o sistema que determina a Lei para a venda
A maiores de todo isto, os socios fundadores, accionistas e abonados teñen prioridade sobre calquera outro licitador externo na poxa, de maneira que, a mesmo prezo ofertado, sempre teñen prioridade estes colectivos. Tal e como figura no prego de cláusulas administrativas que rexen o alleamento de accións: “No suposto de que as ofertas presentadas superen o número de accións obxecto do presente procedemento, terán preferencia para a adxudicación aqueles licitadores que reuniran a condición de socio fundador, accionista ou aboado do Club de Baloncesto BREOGÁN S.A.D”.
O Presidente provincial coincidiu tamén cos accionistas cos que se entrevistou en que a poxa é o sistema que determina a lexislación vixente para que unha Administración pública poida vender as súas accións e saír dunha Sociedade Anónima Deportiva, como é o Breogán. Así o establece a Lei 33/2003 do Patrimonio das Administracións Públicas e o Regulamento de Bens das Entidades Locais. Julio González, un dos accionistas que se reuniu con Besteiro, recoñeceu publicamente ante os xornalistas que a poxa é “un medio idóneo” e “perfectamente legal”.
Así mesmo, na reunión tamén quedou aclarado que a venda directa ó accionariado non é legalmente posible. “Teño que facer o que marcan os técnicos, non estamos entre particulares comprando ou vendendo unha finca, estamos vendendo valores públicos e isto debe facerse no marco da lexislación en materia de patrimonio das administracións públicas, que non podo, nin son quen, nin quero saltarme; e o proceso fixado é o da subasta”, incidiu Besteiro.
O Presidente sinalou ó mesmo tempo que o proceso de enaxenación das accións non se pode deter xa que non se da ningún dos supostos que prevé para elo a normativa correspondente, a Lei 30/92 de Procedemento Administrativo Común.
Chamamento á tranquilidade
O mandatario provincial fixo un chamamento á tranquilidade, recalcando que isto non significa “nin moito menos unha desvinculación”, senón que a Deputación “seguirá apoiando ó Breogán”, tanto a través de axudas económicas, como facilitando o uso do Pazo dos Deportes.
Axilidade e transparencia da Deputación
Os tres accionistas que se reuniron esta mañá con Besteiro pediron a entrevista o pasado xoves, e a Deputación respondeu nese mesmo día á solicitude propoñendo ós interesados manter o encontro o venres, aínda que estes comunicaron que non podían acudir á cita, polo que dende Presidencia se puxeron de novo en contacto con eles, acordando o encontro para este mércores. Gómez Besteiro enmarcou esta xuntanza no ánimo da Deputación “de explicar con transparencia e discusión todo o procedemento porque pode haber xente mal informada, e polo tanto compre informar convenientemente”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
