Andando xa o 2014 queremos desexar a tódolos cidadáns do noso país e en especial ós ribadenses un bó presente e un mellor futuro. Un futuro que debemos construír con paciencia pero con decisión, con esperanza pero tamén con confianza, porque a cidadanía é consciente de que se están sentando as bases do fortalecemento da nosa sociedade, e a pesares dos axustes e recortes económicos seguimos confiando en que son temporais e seguimos á espera de que poidamos recuperar o posto que nos corresponde como traballadores e cumpridores dos deberes do Estado, e superar definitivamente o sentimento negativo que aínda notamos.
No ámbito local este grupo quixo manter a mirada firme nos obxectivos que nos propuxemos e que nos foron propostos e este sentimento de participación positiva demostrouse na aprobación inicial do Plan Xeral de Ordeación Municipal, no proxecto común de residencia, no apoio á solución das preferentes, e na procura dun plan de xestión para As Catedrais. Temas todos eles que polarizaron de forma unánime a actividade política.
Da mesma forma pero tratado de xeito diferente, a interrupción do Pavillón, a nova redacción da RPT e as distintas modificacións de taxas ó alza para adecuar os recursos do Concello ós tempos que corren viñeron a primer termo da discusión política municipal.
A nosa responsabilidade política estivo claramente marcada polos intereses do noso pobo, tanto nas propostas que apoiamos como nas que este grupo decidiu rexeitar, fuxindo no noso caso concreto como grupo na oposición, de brindis ó sol e de peticións que sabemos a priori que non serán viables, o cal non é negar posibilidades á nosa vila, senón que é un exercicio de auténtica democracia que apunta claramente a un proceder claro e diáfano do noso traballo. A conciencia cidadá e o diálogo racional fundamentan as bases das nosas intervencións nos plenos nos que cada un dos catro membros tivemos unha participación directa e por tanto completa, interrogando e matizando o discorrer do goberno municipal.
A inauguración de rúas na procura de “facer vila” cos protagonistas do noso pasado irrenunciable e distintos nomeamentos e recoñecementos a institucións, grupos e persoas catalizadores do acervo cultural do noso pobo salpicaron con lembranzas, optimismo e esperanza de futuro o ano que está rematando.
De entre tódalas actitudes posibles e con toda esta problemática ó noso redor, o traballo do GRUPO MUNICIPAL DO PP no Concello de Ribadeo pretende conciliar posturas que favorezan ó pobo ribadense e favorecer e axudar na toma de decisións que posibiliten un crecemento positivo da nosa sociedade, veñan de onde veñan.
Queda moito que facer, e moitos problemas que solucionar, e a actividade deste grupo municipal estará sempre do lado das necesidades do pobo de Ribadeo. Con este desexo e esta actitude comezamos con todos vos un Novo Ano que agardamos que amose por fin o lado positivo que merecemos.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
