Lugo, 16 de xaneiro de 2013.- O deputado do Grupo Popular e secretario do Parlamento galego, Jose Manuel Balseiro valorou a achega da Consellería do Medio Rural e do Mar da que se verán beneficiados vinte e cinco centros educativos da provincia de Lugo para promover o consumo de froita fresca entre o alumnado.
COLEXIOS E INSTITUTOS
A iniciativa, financiada con cargo ao Fondo de Garantía Agraria, en colaboración coas consellerías de Cultura e Ordenación Universitaria e de Sanidade diríxese aos alumnos e alumnas de Educación Infantil de segundo ciclo, de Educación Primaria e de Educación Secundaria Obrigatoria dos centros que teñan solicitado a súa participación neste programa.
FROITAS GALEGAS PARA DISTRIBUIR NOS RECREOS
A Xunta outorga unha axuda por alumno e alumna e por día lectivo para a distribución de froita fresca no recreo, durante períodos de cinco días lectivos consecutivos. A duración desta iniciativa virá determinada polo propio centro escolar, que elaborará a proposta.
O obxectivo deste proxecto é promover unha alimentación saudable desde a infancia, polo que as froitas deberán ser preferentemente froitas frescas de tempada obtidas en Galicia empregando sistemas de produción sustentables e deberán ser de excelente calidade e óptimo grao de madureza.
Balseiro tamén lembrou que, do mesmo xeito a este programa, desde o departamento autonómico tamén se convocan anualmente axudas para o subministro de leite e determinados produtos lácteos aos alumnos.
No seguinte cadro detállanse os centros educativos beneficiarios das axudas na nosa comarca cun investimento previsto de preto de 12.000 euros
| CEIP Virxe da Soidade |
Lugo |
| CPI Dr. López Suárez |
Friol |
| CEP Lois Tobío |
Viveiro |
| IES Fontem Albei |
A Fonsagrada |
| CEIP Santa María |
A Fonsagrada |
| IES Xograr Afonso Gómez |
Sarria |
| CPI Tino Grandío |
Guntín |
| CEIP San Miguel de Reinante |
Barreiros |
| CEIP da Pobra do Brollón |
Pobra do Brollón |
| CPI Virxe do Monte |
Cospeito |
| IES Muralla Romana |
Lugo |
| CEIP Rosalía de Castro |
Lugo-Bóveda-Pol |
| CPI Ramón Piñeiro |
Láncara |
| CEIP de Foz núm. 1 |
Foz |
| CEIP Benigno Quiroga Ballesteros |
Lugo |
| CEIP Otero Pedrayo |
Rábade |
| CEIP de Covas |
Viveiro |
| IES Illa de Sarón |
Xove |
| CPR A Milagrosa |
Lugo |
| CEIP Eduardo Cela Vila |
Triacastela |
| CEIP Terra Chá |
Vilalba |
| CPI Uxío Novoneira |
Pedradita do Cebreiro |
| CPI Poeta Uxío Novoneyra |
Folgoso do Courel |
| IES Vilar Ponte |
Viveiro |
| CPI Dr. López Suárez |
Saviñao |
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
