Foz, 21 de febreiro de 2014. O alcalde de Foz, Javier Jorge Castiñeira, pon a disposición de todos os grupos políticos municipais o plan de usos para o porto elaborado pola Xunta que foi entregado onte no Concello. O documento será analizado nunha reunión da xunta de portavoces para despois levalo ao pleno da corporación que se celebrará en marzo.
O rexedor municipal focense manifestou este venres que “dende o Concello de Foz valoramos dunha forma moi positiva que onte fose entregado o plan especial de usos por parte do propio presidente de Portos de Galicia, José Juan Durán. Era un compromiso que había dende hai varios meses e supón a primeira porta que se abre para a reorganización definitiva da zona portuaria de Foz que propuxo o Partido Popular dende un inicio. Este plan especial ordena urbanisticamente a zona que está en terra e polo tanto permite os desenvolvementos construtivos de espazos complementarios da náutica recreativa e da pesca, como poden ser áreas dedicadas á hostalería e o turismo. Poderán aumentar as construcións en case 12.000 metros cadrados e en xeral cumpre basicamente as directrices que se marcaron inicialmente”.
Javier Castiñeira explicou tamén que “o documento vai estar a disposición dos grupos municipais, cada un vai ter a súa copia, tal e como lles comentei onte. Tamén lles adiantei a intención de levalo ao pleno da corporación que se celebrará en marzo para debatelo con total tranquilidade, incluso celebrando previamente algunha reunión da xunta de portavoces. A partir de aí ten que ter o visto bo da corporación, despois hai que publicalo e o seguinte paso que queremos dar unha vez aprobado, que entendemos que non ten ningunha dúbida, é seguir co prego de condicións para unha posible concesión. Cremos que antes do verán poderá estar listo se non hai ningún problema”.
O alcalde engadiu que “unha vez sacado o prego xa dependeremos da demanda que haxa de grupos inversores. Temos moita confianza neste proxecto a longo prazo, no que se vai avanzando administrativamente e eu creo que xa a medio prazo poderemos ter moi boas novas neste sentido”.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
