Cervo, 21 de febreiro de 2014- “Aquí hai tres cousas claras: A Deputación multou ao Concello de Cervo. A Deputación ten 20.000 euros ingresados. E o Concello nin licitou, nin adxudicou, nin foi director da obra, nin lle dixo á empresa onde tiña que colocar as canalizacións, nin o cemento, nin os postes”. O alcalde de Cervo, Alfonso Villares, respondeu así ás declaracións do Goberno Provincial.
“A Deputación é a que ten que dar explicacións sobre a actitude que está mantendo co Concello de Cervo e cos veciños” asegura. “Comezaron hai sete anos por non investir en Cervo e agora dan un paso máis: Multarnos” engade o rexedor. “Vemos que pouco a pouco van mellorando a súa estratexia para prexudicarnos. Primeiro non nos daban, e agora ademais, quítannos”.
O mandatario cervense lamenta que a Deputación sempre se escude en mentiras: “Ninguén se puxo nunca en contacto co Concello para falar sobre a multa, ningunha chamada telefónica, nada”. “Sen previo diálogo con ningún responsable nin traballador do Concello, iniciaron un expediente de sanción, e a pesar de celebrar sesións plenarias, tanto no Concello como na Deputación, e de enviar escritos, fixeron caso omiso e non tiveron vontade de frear o atropelo a un Concello que unha e outra vez se ve atacado e perseguido polo ente provincial”, explica o rexedor. E así “decidiron multar por primeira vez na historia a un concello, e de forma desproporcionada”.
Da mesma maneira, o mandatario cervense pregúntase a que vai destinar a Deputación os 20.000 euros. “Ao mellor os utiliza para pagar parte do soldo de 57.500 euros da vicepresidenta, ou para pagar actuacións en concellos que lle preocupen máis que o de Cervo”.
Ao mesmo tempo, o primeiro edil asegura que “para ser representante público hai que ser máis educado, e non todo vale”. “As descualificacións e os insultos demostran moi pouco respecto polo cargo que ostenta un político”, remata.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
