Burela, 5 de febreiro de 2014. O Concello de Burela está presente na nova edición de Xantar, o certame gastronómico que se celebra en Ourense desde este mércores e ata o vindeiro domingo. Segundo deu a coñecer este mediodía o alcalde, José Mª González Barcia, o xoves haberá unha degustación de bonito do norte e de pescada de Burela.
O rexedor explicou que “Burela non puido estar presente nas dúas edicións anteriores debido á situación económica, pero neste 2014 debemos acudir porque ante a máis que previsible recuperación o lóxico é pensar que o Concello de Burela recupere a promoción turística que se estaba a facer en anos anteriores para axudar a captar visitantes e desta forma axudar a manter as empresas hostaleiras que temos e os postos de emprego, e si se poden crear máis moito mellor”.
González Barcia dixo que “sabido é que quen non se ensina, quen non está nos escaparates nos que hai que estar, e neste sentido as feiras de turismo son un dos grandes elementos difusores dos recursos turísticos que poidan ter os distintos concellos e vilas, quen non está presente neses escaparates non é coñecido e se non é coñecido pouco ou nada ten que pintar no mundo do turismo”.
O alcalde de Burela relatou que “nós estaremos en Xantar todos estes días, estaremos cunha promoción baseada nos recursos gastronómicos que temos en Burela e hai dous produtos que teñen unha enorme calidade, que son moi apreciados pola maioría dos cidadáns e potenciándoos a eles potenciamos o seu consumo, co cal lle botamos unha man dentro dunha postura de moita humildade e modestia ao sector pesqueiro, e ademais estamos axudando a promocionar o noso concello, a nosa gastronomía e Burela. Estes produtos son o bonito do norte e a pescada de Burela”. Mañá a mediodía haberá en Xantar unha degustación de bonito e de pescada “e aproveito para agradecerlle a Armadores de Burela a súa colaboración para cedernos de forma totalmente gratuíta estes produtos e que as persoas que estean en Xantar, periodistas, representantes de institucións, de administracións, de empresas… poidan degustar pescada e bonito, que son o emblema do noso concello e do sector económico máis importante de Burela que é a pesca”, engadiu.
A representación do Concello que viaxa a Ourense tamén estará pola tarde no acto de entrega do Plato de Ouro ao restaurante A Lonxa, de Burela. José Mª González Barcia indicou que “a ocasión é boa para ademais de apoiar o traballo que se está a facer no sector da hostalería de Burela, representado neste caso por A Lonxa, facemos unha difusión dos nosos produtos e unha potenciación dos recursos turísticos que temos en Burela”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
