O voceiro provincial socialista, Manuel Martínez, quixo dar respostas as críticas dos populares destacando que estes “insisten en mentir e difamar, que é o único que parece que saben facer”, destacando que “a oposición nunca tivo tantas facilidades para acceder e consultar toda a información da Deputación como as que ten agora o PP”. Martínez lembrou o feito de que foi o actual Goberno provincial o que redactou un regulamento orgánico “que foi aprobado no 2010 en Pleno por unanimidade”, para garantir a transparencia e facilitar o labor da oposición.
Martínez insistiu en que o PP “non pode dar leccións de nada e menos de transparencia”, xa que “o seu xeito de gobernar foi e segue sendo opaco. Esconde, tapa, móllanselles os papeis, pode que coa auga na que navegou o señor Feijóo con Marcial Dorado”, continuou o voceiro socialista e fixo fincapé no feito de que o Goberno de Feijóo só teña respostado 4 de cada 10 preguntas presentadas pola oposición. “O Partido Popular non está en disposición de acusar a ninguén de nada, e menos de falta de transparencia”, sentenciou.
Así mesmo, destacou que “nós levamos 16 anos agardando por documentación da Deputación do PP. Así é como facilitaban o labor da oposición”. Tamén lembrou que o equipo de Goberno provincial, presidido por José Ramón Gómez Besteiro, facilitou locais e equipos para que os representantes do Partido Popular na Deputación poidan “facer o seu traballo” e lembrou que “estes son recursos cos que nós non contabamos cando eles gobernaban”. Martínez ironizou destacando que “o que teñen que facer é traballar, que para iso cobran unha dedicación exclusiva e tres parciais que supoñen 152.949,82 euros ó ano”.
Manuel Martínez insistiu en que o actual Goberno provincial socialista cumpre “escrupulosamente coa Lei, como non podería ser doutro xeito”. Segundo destacou “esta é unha xestión que contrasta radicalmente coa que levou a cabo o Partido Popular durante máis de 24 anos á fronte da Deputación de Lugo”, citando a modo de exemplo facturas “nunca xutificadas” de viaxes de luxo a África –Johannesburgo, Namibia e Tanzania, cun custe de 20.000 euros-, viaxes en familia a Copenhague, Bolonia ou Malabo; cacerías ilegais; restaurantes en Miami; festas privadas en dependencias provinciais; flotas de coches de aluguer a plena disposición para vacacións ou facturas de teléfonos de domicilios particulares. Martínez insistiu en que “o PP pagou todas estas facturas con cartos públicos, saltándose por sistema todos os requisitos esixidos pola Lei de Contratos do Sector Público. De todas estas irregularidades aberrantes, que non se axustan a Dereito”, o Partido Popular nunca “soubo responder, nin puido xustificar, porque non teñen xustificación posible”.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
