Co motivo de ofrecer a nenos e maiores unha experiencia diferente a delegación de Xuventude e Deportes de Lourenzá leva a cabo unha viaxe á neve, o vindeiro 5 de marzo, que para moitos supón a primeira toma de contacto cunha contorna diferente á nosa.
A “Viaxe á neve e iniciación ao esquí” comezará ás 07.00 horas de onde sairá puntualmente o autobús dende o Cantón. A chegada á estación de esquí “Fuentes de Invierno”, en Asturias, está prevista para as 10.00 horas cando se iniciará a recollida de equipo para comezar o cursiño con monitores especializados a partir das 11.30 horas.
A comida na estación está prevista para as 14.30 horas e a partir das 15.00 horas haberá a posibilidade de poñer en práctica o aprendido ata ás 17.30 horas que se disporá de media hora para merendar antes da volta cara a Lourenzá ás 18.00 horas. A chegada a Lourenzá está prevista para as 21.00 horas.
O técnico de deportes do Concello e o monitor de ocio e tempo libre, Rubén García e David Cabaleiro, respectivamente, recomendan levar: pantalón impermeable, calzado impermeable/ botas de trekking, chaqueta/plumífero impermeable (de non selo, chuvasqueiro por enriba), luvas (impermeables), polar, gorro, braga para o pescozo, gafas de sol (a poder ser de pasta/plástico polas caídas) e unha mochila pequena.
Inscricións
Os interesados poderán inscribirse achegando a autorización dos pais, unha fotocopia do DNI e outra da tarxeta sanitaria ao Concello. O prezo da actividade é de 45 euros para rapaces e rapazas de entre 7 e 17 anos e 50 euros por persoa para adultos onde se inclúe o transporte, alugueiro de equipos e tres horas de clases.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
