Despois de ver a nota de prensa que fixo o alcalde do Partido Popular, Sr. Barcia, referente á súa baixada de solda “voluntaria”, dende o PSdeG-PSOE de Burela temos que aclarar o seguinte.
O Sr. Barcia unha de dúas, ou minte descaradamente ós veciños e veciñas de Burela, ou descoñece a lei 27/2013 do 27 de decembro de 2013 (lei de reforma das administracións locais). Para o PSdeG-PSOE de Burela tan grave nos parecería unha cousa como a outra. Pero neste caso parécenos que o Sr. Barcia minte descaradamente ós veciños e veciñas de Burela, xa que non entenderíamos que descoñecese o contido de dita lei. Non o podemos crer porque como xa se publicou nos distintos medios de comunicación alcaldes como o da Pontenova ou Lourenzá, por certo compañeira de partido do Sr. Barcia, xa tiñan anunciado fai tempo que se baixarían o soldo para cumprir a citada lei e non de forma voluntaria, senón porque a lei así o marcaba.
O Sr. Barcia que é un precursor na suba de impostos ós veciños e veciñas de Burela incluso antes de que as subidas se aproben onde se teñen que aprobar (véxase o caso da subida do canon de Sogama que o Sr. Barcia adiantándose ó que ditaba a Xunta de Galicia decidiu subila), non é capaz de cumprir a lei e baixarse o soldo e adaptalo ó que marca a lei en tempo e forma, e aínda encima di que foi unha baixada “voluntaria”. Danos a risa.
A lei de reforma das administracións locais marca claramente no seu artigo 75, que o soldo dos alcaldes de poboacións entre 5.001 e 10.000 habitantes, o caso de Burela, non pode superar o 55% do salario dun Secretario de Estado que está marcado en 100.000 euros, có que queda claro que o Sr. Barcia non se baixou o soldo voluntariamente, senón que o fai obrigado por esta lei, o Sr. Barcia minte descaradamente ós veciños e veciñas de Burela como xa nos ten acostumados.
De tódolos xeitos, o Sr. Barcia vai a ter un soldo de 45.000, có que cobrará 70 veces máis do salario mínimo interprofesional, que é o salario mínimo a percibir por calquera traballador marcado polo goberno do Partido Popular para o ano 2014. Entendemos que o Sr. Barcia non sae moi mal parado desta baixada tendo en conta este dato. É máis, dende o PSdeG-PSOE, xa que o Sr. Barcia fala dun exercicio de responsabilidade propoñémoslle que aínda pode baixalo máis, e sen que lle manden, non baixalo o xusto para cumprir a lei e nada máis pero supoñemos que esta baixada de soldo será compensada polo Sr. Barcia noutros conceptos como dietas, xa sabemos cales son os intereses do Sr .Barcia por Burela.
Dende o PSdeG-PSOE de Burela queremos pedirlle ó Sr. Barcia unha vez máis, que non minta ós veciños e veciñas de Burela, e que non trate de enganalos porque xa o coñecen moi ben e saben cales son os intereses do Sr. Barcia. Por último dicirlle que o soldo hai que ganalo como fan o resto dos traballadores e traballadoras de Burela, que cada vez son menos por culpa das políticas do Partido Popular, e que faga algo a prol dos veciños e veciñas que está a demostrar que non merece o seu soldo xa que non aporta absolutamente nada a Burela pola súa nula xestión.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
