Lugo, 27 de marzo de 2014.- O vicepresidente da Deputación de Lugo e responsábel das áreas de Benestar Social e Deporte, o nacionalista Antonio Veiga, presentou, esta mañá, as bases da convocatoria das axudas en materia de deportes para este ano 2014, dirixidas á realización de actividades deportivas por parte das entidades deportivas e clubs así como para actividades deportivas e investimentos para concellos, para o que a área de Deportes destinará, nesta anualidade, 630.000 euros, a mesma cantidade que o ano pasado.
Coas cifras desta convocatoria na man, Antonio Veiga afirmou que “a Deputación de Lugo é o sostén do deporte de base no conxunto da provincia de Lugo. Pese ao descenso orzamentario mantemos as mesmas liñas de axudas e as mesmas cantidades que o ano pasado, ratificando a nosa aposta polo apoio deporte de base, un dos nosos principios desde que adquirimos responsabilidade de goberno nesta institución”.
Segundo explicou o vicepresidente, “dos 630.000 euros aos que ascenden as axudas, 500.000, unha gran parte do orzamento e exactamente a mesma cifra que o ano pasado, irá destinado para as entidades deportivas e clubs da provincia, que potencian a descentralización do deporte, fomentan actividades saudables no tempo de lecer, así como a creación de emprego e a dinamización económica”.
Neste caso, igual que en convocatorias anteriores, as entidades poderán solicitar axudas para tres tipos de axudas: actividade competitiva prolongada ao longo do ano, até un máximo de 8.000 euros; axudas para a organización de eventos deportivos puntuais, até un máximo de 4.000 euros; e axudas para actividades deportivas non competitivas que se desenvolvan de xeito continuado, até un máximo de 8.000 euros. Destas tres liñas de axudas, as asociacións e clubs deportivos poderanse acoller a dúas delas.
No que se refire á liña de axudas para os concellos en materia de promoción deportiva, destinarase, ao igual que na pasada anualidade, de 130.000 euros, dos cales 80.000 euros irán dirixidos á realización de investimentos en infraestruturas e á adquisición de equipamentos, e 50.000 destinaranse para gastos correntes de promoción deportiva. No primeiro caso os concellos poderán solicitar até 6.000 euros para investimentos, e até 3.000 euros para equipamentos; e no segundo caso poderán solicitar até 2.500 euros para a organización de eventos puntuais, e até 5.000 euros para a organización de actividades ao longo do ano. Neste sentido, os concellos só poderán acollerse a dúas liñas de axudas, ou ben para facer investimentos ou adquirir equipamentos, por un lado, ou a programar unha actividade deportiva puntual ou unha actividade anual, por outro.
Veiga insistiu en que “se seguen mantendo as liñas de axuda para deportes, non como ocorre noutras administracións, nomeadamente a Xunta de Galiza, onde este tipo de axudas desaparecen, xúntanse dúas anualidades nunha convocatoria, ou caen a mínimos irrisorios e onde non se fai un esforzo financeiro para manter as liñas de axuda para o tecido asociativo, mentres que nós si que facemos contas para que as entidades deportivas dispoñan da mesma cantidade orzamentaria”.
“Non é casualidade que desde o ano 2008, coa nosa entrada no goberno, a Deputación de Lugo sexa das Deputacións do Estado que máis diñeiro inviste en deporte por habitante, só superada polos cabildos insulares e Guipúscoa, que contan cun réxime fiscal diferente” concluíu o vicepresidente.
As bases desta convocatoria, nas que se establece que para todas as axudas concedidas, o importe mínimo da subvención será de 300 euros, e que as entidades beneficiarias deberán financiar como mínimo un 5% da súa actividade con recursos propios, saíran aprobadas na Xunta de Goberno de mañá e publicadas no BOP no prazo dun par de días, e as entidades e os concellos poderán solicitar este tipo de axudas deportivas no prazo dun mes empezando a contar a partir do día seguinte da súa publicación.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
