Cervo, 27 de marzo de 2014.- O Concello de Cervo vén de facer entrega dun cheque por valor de 9.000 euros á Asociación de Axuda ao Enfermo Mental A Mariña. Un importe co que a administración local pretende “contribuír e apoiar a esta entidade tendo en conta o labor tan necesario que fan na nosa sociedade” asegura a edil de Servizos Sociais, Pilar Armada, que estivo presente no acto no que tamén participou o alcalde, Alfonso Villares e a presidenta da asociación, Iris Castro.
Unha axuda que a entidade destinará a cubrir gastos correntes así como aqueles derivados das múltiples actividades que se levan a cabo nos seus centros, como é o caso da unidade residencial que abriu a finais do ano pasado en Cervo. Armada destacou tamén que a asociación “abarca todos os campos de axuda, dende a reinserción psicosocial e laboral pasando pola atención psicolóxica e social ou a aprendizaxe de habilidades da vida diaria e utilizando para iso métodos didácticos e amenos”.
Ao longo de 2013 a entidade ofreceu numerosos obradoiros dirixidos a mellorar as capacidades laborais dos usuarios, pero tamén a potenciar a súa autoestima, habilidades cognitivas ou o traballo en equipo, como foi o caso dos obradoiros de carpintería, ebanistería, construción de xoguetes de madeira e mosaicos, manualidades, costura, xardinería ecolóxica, informática, xabón ou cantería.
Da mesma maneira, a asociación celebra cos usuarios multitude de festas, fomenta a práctica de deporte e exercicio físico así como a participación en excursións. Unha entidade fundada no 1999 por cinco familias e que na actualidade ten 200 socios e 56 usuarios.
Esta axuda de 9.000 euros enmárcase no obxectivo do Concello de colaborar e axudar ás asociacións do municipio e así favorecer a súa actividade e dinamismo.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
